Dairi Pengerindu datai maya orang benung nanggam pengerindu bedanji segulai sejalai seidup semati tang nyema ngelanggar danji tau ka enda ngamat ke danji kati bup tok datai nagih danji? Kati bup tok ulih nipu orang benung nanggam pengerindu awak ke sida nulis nama sida ngau nama pangan sida dalam bup tok?
Sapa ngempu bup tok?
Sapa ke ngangga bup tok?
Kati pengerindu tau ngambi nyawa anak mensia, orang ke benung nanggam pengerindu bedanji nanggam semaya begulai sejalai sampai ke mati…
Nyema bedanji anang enda bepegai taguh ngau danji ke diri laban Dairi Pengerindu semampai berati ke orang mungkar danji ngelanggar danji…….
Monday, May 2, 2011
chapter 10 The Happiness
CHAPTER TEN (THE HAPPINESS)
Berita tentang bup bechurak biru nyau megau ke mayuh menua nyau ka tetakut orang ngaga danji takut danji datai nagih baru taja mayuh utai kena ngelaban bup tok ngambi nyawa anak mensia enda meh ulih kati ka muai bup tok? Kati cara ka ngancur ke bup tok? Taja ia semina bup tang ya ulih ngasuh anak mensia nulis danji ba dalam bup nya makin ari makin mayuh anak mensia midang lesi laban orang ke megai bup tok jauh amai bebeda ari orang ke megai bup tok dulu suba nyema sida ya udah ngaga danji sigi selalu orang meda ayas utai betubuh mensia tang pala ya baka uduk ukai siko dua tang mayuh udah dengah ya semina ke nasit manah aja ulih ngelari ke diri ari bup tok semina orang ke ngamat ke danji aja ulih selamat ari bup dikangau bup DAIRI PENGERINDU…..
Pemuas bejalai ngiga mangsa dia bup bechurak biru labuh ba mua pintu orang ngica ke bisi orang ngambi nulis danji dalam bup nya awak nyamai ngiga mangsa orang ke megai bup nya semampai bejalai ngiga darah ngiga nyawa. Dia Ikie baru mulai kediri ari kerja nuju ngagai rumah ya sampai ba mua pintu dia Ikie tepeda ka bup bechurak biru ba mua pintu ya begadai Ikie ngambi bup nya. Udah tama ke bilik alu engkah ya bup nya ba atas meja ruang tamu ya alu muka maca bup nya.
‘Nyelai amai bup tok baka ke diajih bup tok amai kini orang ke nulis nama dalam bup tok begulai sejalai selama ia? Enda entu arap aku ngau bup tok legi sebaka bakanya tadi ga ukai nya aku selalu bahagia dalam idup aku mayuh agi ke pemerinsa datai nuntung semina ngemeli ke aku aja bup tok’ pia runding Ikie alu nutup bup nya. Ba luar rumah Ikie bisi mata orang merati ke ulah ya ari luar merati ke pengawa ya laban bup nya semina umpan ngagai anak mensia awak ka nulis danji ngaga danji ba bup nya. Taja pia Ikie ukai baka laki bukai amat orang madah idup ya nyamai keja manah rumah bisi kerita bisi tang semua nya nadai bereti enti semina kediri aja diau dia kediri aja maya malam maya siang.
Amat kaban Ikie mayuh tang Ikie jarang amai pansut bebakih ngau orang bukai ukai ketegal ya enggai tang enti bala kaban mayuh bekumpul nyau mayuh cerita nyau deka bebeli ke ai bisa. Mayuh ga ulah orang bakanya enti nyau betugung memagang alu madah kediri aus nya meh mayuh ka agi ke ngirup tang nya meh salah mensia pama udah ngirup alu tebantai memagang ulah pangan diri utai nya meh ngasuh Ikie enda bejalai betemu ngau kaban. Amat lain amai ga ulah kitai mensia maya udah ngirup cukup kering asai ke ulih babut pun tapang asai ke ulih dangkat ke kerita tang maya gawa legi nyau beasuh-asuh legi madah ke diri enda nyamai isi legi madah pedis patung. Pama disebut ke ngirup sigi enda ibuh dikangau sigi datai taja orang nadai madah nadai nesau.
Tambah mega Ikie tok ukai orang pengirup ya semina ngirup maya bisi pengerami aja laban ka ati Ikie dalam din ngirup nya mayuh ke agi masau duit legi empai datai tengah bulan alu sebana enda cukup duit dikena belanja makai anang agi ke udah bisi anak legi nyau nadai belanja anak kena sekula kelebih agi nyau ngelimat maya meli lauk maya nya baru nyesal ke ulah diri lapa maya terima ujung bulan uji simpan duit bisi ga kena belanja sampai ujung bulan nya ujung bulan terima alu deka diabis ke kala nya ukai nya sari ngiga duit sebulan ngiga duit nyau bepeluh tusur ngiga ya.
Nya meh Ikie tok nyau enda entu ka begulai ngau orang bakanya biar meh orang ngumbai ya sumbong biar meh orang ngumbai ya isin-isin tang kelebih agi Ikie panjai runding ukai nya dua kali terima sebulan nya meh Ikie selalu ngelimat belanja ya udah semua utai abis dibayar baka kerita,rumah,bil api ngau ai baru Ikie magi duit kena minyak kerita ngau belanja ya sebulan nya. Nyameh Ikie nadai kala suntuk belanja amat idup bujang tang enti selalu nyimpan duit mimit-mimit nyadi mayuh meh ya. Ba opis Ikie selalu orang nanya ya kati ka ngalau belanja laban ari pun bulan nyentuk ke ujung bulan Ikie nadai kala sebana ketegal enda cukup belanja ka madah gaji ya besai tang semina nguna standard diploma aja ukai nya besai RM1200 sebulan tang enti tambah ngau claim ngau elaun ya travelling bisi ga kena tudah Ikie ngidup ke diri ba menua orang.
Tang semina sigi aja ngasuh Ikie tusut runding ketegal pengerindu taja Ikie selalu ngiga indu ngau bepangan nyau semina asa aja ga tudah ya. Kekadang tekena ke indu tak baka ke dompet tudah Ikie digaga indu nya enti nyema ka meli utai baru indu nya ngiga tudah Ikie legi maya udah terima nyau nadai dinga kangau indu nya manah enti bisi ngiga Ikie enti bepansa ba pasar baka ke enda ngelala tambah ga indu nya selalu aja tama pansut ari pub. Nya meh Ikie enda entu peduli ke indu nya. Agi Ikie ingat maya ya betemu ngau siko indu bulan nyin suba mula aja madah rindu madah sayau udah beberapa minggu alu nadai dinga rita semina mesej aja dikirum madah ke diri meri masa ngagai tudah Ikie semina ngasuh nganti belama nyau baka ke nganti bulan labuh ba tapak. Nya meh Ikie enggai agi nerima pengerindu dalam ati ya nyentuk ke saritu Ikie agi idup kediri.
Pengudah ngaga ai kupi ngau meri mayau ya makai dia meh Ikie alu muat gari sigi bakanya ga idup bujang semua digaga masu gari kediri nyumai kediri amat pama ga Ikie nemu amai nyumai enti betanding ngau indu kada enda alah sida ke indu laban Ikie. Ukai nama Ikie nemu nyumai nemu ngintu diri laban ari mit ya nyepi pemerinsa ari suba ya idup kediri nadai apai indai semina tudah Ikie aja nguan menua injau.
Datai ba ruang tamu dia Ikie duduk nungga tibi ba mua ya begadai Ikie engkah ai kupi ya atas meja cermin alu duduk semina merati ke tibi bebunyi. Taja nyawa tibi nya ingar tang runding Ikie nyau ke bukai semua munyi pansut ari tibi ya semina ngerimbas pending ya nadai sigi lekat tama dalam untak ya baka ke bejaku kediri tibi nya ba mua Ikie. Dia meh runding Ikie nyau beputar ngenang pengidup diri nadai apai indai udah mupuk ngejang ke batang mandai enda berasai ai mata nitik masah ke kuyu Ikie ngenang ke mua apai ngau indai ya sunyi amai pengidup Ikie nadai kala nyepi penyayau indai penyiru apai nadai indai endur madah ke pemedis pemerinsa ati diri nadai apai endur berandau betunga mua nadai bala madik enggau begagai enggau betundi. Balat amat ga penguji beri petara ngagai Ikie semina ya aja agi nguan menua tang ketegal sabar ngau pengering ati meh nyadi tenggau lalau ya ngidup kediri ari mit ya bekuli laban ka ngulih ke pemandai ngau kena ngubah pengidup Ikie. Ari cermin jendila Ikie meda ulah jiran seberai rumah ya meda siko indu ngau laki benung begagai ngau dua iku anambiak nyau enda berasai sinu amai ati ya ari mit ikie nadai kala diberap apai disium indai ba kuyu begagai enggau madi begadai Ikie angkat merati ke ulah jiran seberai rumah ya dedegi ba jendila rumah ya.
“ Untung amai orang bisi apai indai enggau madi semampai gaga belama enda baka aku semina kediri aja” pia runding Ikie mata ya nyau beraie baru meda ulah jiran ya.
Enda berasai kaki ya bisi asai tegu utai ke bebulu nyandih ba kaki Ikie dia meh Ikie lalu tekenyit meda ke baruh tepeda ka mayau ya benama cuwen. Cuwen bulih nama ya ari bulu ya semua bechurak oren nangka pengemuk cuwen laban enti laun makai enda berasai kaki Ikie keramak cuwen anang agi maya pagi cuwen meh ngerak Ikie dani ukai ngerak ngasuh tauka laun dani tang minta pemakai taja pia Ikie nadai kala nganu cuwen laban maya Ikie tussah ati cuwen meh selalu ba tisi ya nyau baka ken emu isi ati Ikie sepenglama cuwen begulai enggau Ikie. Nyema Ikie tussah ati tau ka benung beraie cuwen sigi datai ngagai Ikie duduk nyandih ba sepiak Ikie kekadang baka ke bisi orang enggau Ikie bejaku ba rumah besai nya tang semina cuwen ke enggau ya bejaku.
Cuwen suba ukai nya mayau beli tang mayau datai tesat ba rumah Ikie benung Ikie ngambi merap cuwen dia Ikie teringat ke mula ya betemu enggau cuwen. Maya nya Ikie baru aja pulai keja malam nya nyau baka nama pengelebat ujan nyau bah ai dalam lungkang nyau tepancur ba rumah ya dia Ikie tekenyit ninga nyawa mayau kiau-kiau ba dalam lungkang enggau lengkas Ikie nyenguk ke dalam lungkang. Dia meh Ikie tepeda ke anak mayau nyau ke lemas laban ai nyau balat bah besai nyau besai seput pansut ari idung anak mayau nya nyau lelak tudah anak mayau nyak nyemerai nyau ka lemas tudah anak mayau nya enda berasai Ikie engkecit ngambi anak mayau nya alu merap ya abis basah baju enggau tanchut Ikie mula ari nya meh mayau nya diau enggau Ikie nyau diberi Ikie nama cuwen ga tudah anak mayau nya. Taja mayau tang cuwen amat mereti maya cuwen kemi tau ka birak cuwen sigi pansut belama berak ba tanah luar rumah Ikie baka ke udah diajar ulah cuwen kekadang maya Ikie sakit cuwen meh nyaga ya bisi sekali Ikie sakit balat nyau enda ulih angkat dia meh cuwen ningkap ngerimbai Ikie merati ke Ikie baka ke mensia cuwen nyaga Ikie nya meh ko orang tuai enti kitai manah enggau jelu sayau ngau jelu tupi sida ya pun amah enggau kitai taja jelu sida mayau uduk bisi meh empedu enggau ati.
Pengudah Ikie merap cuwen dia meh Ikie duduk ba bangku baru cuwen diawak ka Ikie duduk ba sepiak ya nyau baka ke nganta cuwen nuci diri empu nyau abis tubuh nyau tekena lengan Ikie bekau dilat cuwen ke nuci diri
‘Apuu…sapa ke bangat didanta ke nuan nya cuwen. Bendar ni nuan nuci diri empai meh beresi uji mandi ney mayuh sabun kena nuan ba dalam bilik mandi din umo tau meh kena nuan’ pia ko Ikie nundi tudah cuwen. Dia cuwen ngetu enda lama malik ngagai Ikie baka kenemu jaku kitai mensia sepenglama pengudah cuwen diau enggau Ikie.
Enda berasai nyau ngalih malam ari dia meh Ikie bejalai nuju ke dapur meda asi ke dipanduk nyau udah ga mansau lauk udah ga dipanduk nyau begerau munyi perut Ikie.
‘Lapar perut tok am cuwen makai tua’ pia ko Ikie alu ngumbai cuwen. Dia cuwen alu belanda nitih ke Ikie ari belakang.
Pengudah tembu makai Ikie niki katas ngagai bilik ya besai amai ga rumah Ikie dua tingkat tang amat sunyi baka ke nadai orang nguan mina munyi redup kaki Ikie bejalai nuju ngagai bilik ya kekadang dinga munyi kiau cuwen aja ga dinga ba bilik tingkat dua nya datai ba tingkat atas bisi ga empat bilik tang semina sigi bilik aja bisi orang nguan taja kediri ba rumah nya Ikie nadai kala takut laban udah teleba kediri teleba sunyi.
Maya malam Ikie duduk ngaga keja ba ruang tamu nyiap ke keja ke bedau tembu digaga ya ba opis tadi udah nya begadai Ikie bejalai ngagai dapur muka peti ais ka ngirup jus pengudah nya ya ngambi butul jus tak lempung asai butul jus nya.
‘Akai udah abis jus tok pia? Balat ga nuan cuwen ngabis ke jus tok siko hahahaha…mabuk nuan ngirup memayuh jus tok’ pia ke Ikie nunjuk ke cuwen butul jus ke kosong nya ba mua cuwen tang cuwen semina merati ke ulah Ikie.
‘ Kasih cuwen pecuma kena anu hahaa..’ pia ko Ikie benung murus pala cuwen ke nungga ya.
‘Pansut dulu ku cuwen meli jus tussah ga enti nadai jus tambah mega pemakai nuan nyau ka abis. Jaga rumah auk?’ pia ko Ikie madah ke cuwen nyau baka ke madah ke mensia alu nutup pintu nuju ngagai kerita alu deriba nuju ngagai supermarket ke enda jauh ari rumah ya.
Datai ba dia, pengudah Ikie nyangkai ke kerita dia ikie alu tama ke dalam supermarket ngambi bakul begadai bejalai nuju ngagai endur nyual pemakai mayau amat pama ga cuwen ukai ka makai ikan semina whiskas ja ka didempa cuwen laban ari mit cuwen diberi Ikie makai whiskas pengudah ngambi pemakai cuwen sempat ga Ikie meli lauk kena ya sebulan tok alu bejalai nuju endur orang nyimpan jus.
Datai dia Ikie tepeda jus tak gelik-gelik sigi aja tinggal benung Ikie ka nyengkau butul jus nya enda berasai tekenyit Ikie tepeda sigi agi jari nyapai butul nya nyau betegu jari seduai ya dia Ikie nguing ke tisi ya tepeda ke siko indu kuyu nya lepu-lepu pemadas ya mata bulat buk panjai paras bahu ngena baju burak panjai lengan tang sigi salah bajik amai bajik tang mata indu nya baka ke ka makai tudah Ikie ke benung megai butul jus nya.
‘Aku dulu meda tadi laun nuan datai’ ko indu nya
Nyau kuring mata indu nya meda tudah Ikie tang Ikie enggai ga ngelepas ke jari ya agi semampai megai butul jus nya ga Ikie biar berebut seduai ya.
‘Laun agi nuan ari aku, aku ke dulu tadi meda ya’ ko ikie nyaut.
‘ Nuan semina meda aku udah nyenkau butul tok tadi ney..’ ko indu nya majak narit-narit butul jus nya
‘Uji nuan meda sapa jari dulu agi megai butul tuk jari nuan ba atas jari aku nya tanda ya aku meh dulu megai butul tok’ pia ko Ikie enggai alah
‘Nama utai diperebut ke seduai nya?’ pia ke munyi nyawa ari belakang seduai ya
Dia Ikie enggau indu nya nguing ke belakang tepeda ke siko ibuk benung dedegi merati ke seduai ya.
‘Indai..indai ai jus nya ka aku. Nyamai ai nya indai’ pia ko anak mit ba sepiak ibuk nya.
‘Kasih ke aku meh igat enggau endu kasih ke anak aku legi seduai meli ai ke bukai kasih anak aku ka amat ngirup ai nya’ pia ke sada ibuk nya.
Begadai indu nya ngelepas ke jari ya dia meh Ikie alu nyua ke ai jus nya ngagai ibuk nya nangka pengaga meh anak ibuk nya bulih ai jus nya tang Ikie enggau indu nya semina beputih mata bela enda bulih ai jus nya amat ga kedai nya laku amai ga ai jus nya semina sebutul aja agi tinggal udah meh Ikie enggau indu nya semina meda aja nyau asa tudah seduai ya ai udah ga empu urang bukai.
‘Akai jai amai nasit ka meli jus nemu nya empu orang bukai’ ko Ikie bejaku kediri nguing ngagai endur orang engkah jus nya nyau ngiga ai jus ke bukai ga tudah Ikie.
‘Ketegal nuan meh nya jus nya nyau ambi orang bukai uji ai ke bukai pilih nuan’ ko indu nya nganu tudah Ikie. Nyau bebengap tudah Ikie gaga indu nya munyi nya.
‘Apuu..jai amai ga aku ketegal ai aku ga salah akai tussah ati ngenang’ nyau gilik pala Ikie ninga jaku nya
Dia meh indu nya bejalai ngerimbas Ikie ke benung bebengap dedegi ninga jaku indu nya ari jauh dia Ikie meda indu nya ngemilut ke Ikie alu nunjuk ke genggam jari baka ke ka mukut ngagai tudah Ikie tang Ikie semina tuchum aja meda ulah indu nya ari jauh. Orang indu enti pedis ati semina ngemilut aja ulih gaga sida ya ukai baka orang laki nyema pedis ati alu atai jari amat manah ga gamal indu nya taja ngemilut tang majak pepelu kuyu ya taja ringat agi meh mua ya bajik taja mata kuring meda Ikie agi meh mata ya bulat nya meh Ikie semina meda ulah indu nya semina tuchum aja. Udah bebayar Ikie alu mupuk nuju ngagai kerita ya enda ga bangat jauh endur parking datai dia maya Ikie ka muka pintu dia Ikie tepeda ke indu nya baru sama endur penyangkai kerita tak sepiak kerita Ikie endur kerita indu nya dia meh Ikie meda indunya ngena tancut jeans megai dua plastic ba jari muka pintu kerita engkah barang dalam kerita.
Udahnya indu nya muka pintu ba endur deriba alu malik tepeda ke Ikie sepiak kerita ya.
‘Nama pepeda? Bisi utang? Acuk mata enti ka amat meda orang’ ko indu nya nyau bebengap baru ga tudah Ikie
“apuu..salah ga aku bediri sepiak kerita aku pia? Parai ka acuk orang ba mata” pia runding Ikie amat ga indu nya tudah Ikie benung dedegi ba kerita ya enda mukai-mukai kena anu nadai penyalah kena anu ga engka indu nya agi ringat ketegal jus nya meh indu nya nganu tudah Ikie ke benung dedegi ba kerita ya tadi tambah mega sama endur parking. Indu enti udah belaya enggau laki ketegal utai dikedeka ya sigi lama ya ringat tang enda ga sampai pegila lusa nyameh ko orang kering-kering kerak asi tanjah ngau ai lemi meh ya. Ikie semina ngilik ke pala semina tuchum ingat ke ulah indu nya.
“Sayau gamal bajik tang mangah” pia runding Ikie nyetat kerita mupuk nuju ngagai rumah ya.
Datai ba rumah dia Ikie ngagau ke cuwen nya meh cuwen alu belanda nuju ngagai Ikie baka ke enda betah ga cuwen taja tinggal enda lama nyau baka ke dierit cuwen perut ya ba pengemuk cuwen sekumbang makai whiskas belama beri Ikie amat gemu cuwen enti orang meda cuwen mayuh orang ngumbai cuwen nya mayau dibeli tang keamat ya cuwen nya semina mayau tesat ditupi Ikie.
Pagi nya dia meh pengudah meri cuwen makai Ikie mupuk nuju opis ya
‘Baru ku ingat bisi meeting ga pagi tok’ ko Ikie kediri.
*********************************************************************************
‘Vella dani agi laun nuan interbiu legi’ ko munyi nyawa siko indu ari baruh udah nya nyau reregup munyi kaki orang belanda ba dalam bilik
‘Apu..laun aku dani pia ah..jam pun enda bemunyi tadi pia’ ko Vella mucau kediri meda jam ke udah disain enda ga bebunyi nya segaut tudah ya beradu begari laban laun dani.
‘Mumy..nama enda ngerak aku tumu agi tadi laun udah tok enda sempat ngirup pagi tok aa’ ko Vella madah ngagai mumy ya ke benung nyedia ke pemakai kena ngirup pagi
‘Nama malam tadi nuan madah udah sain ga jam deh? Jus nuan nya irup..apu alu mupuk indu tok tadi pia’ ko mumy ari jauh meda anak indu ya Vella udah mupuk ngena kerita baka ke orang belumba Vella mecut kerita ya ngagai endur ya interbiu.
‘Lubah amai orang tok deriba aa..aku ka jampat tok udah ga enda sempat ka ngirup pagi tadi’ ko Vella nyau gidan meda kerita ba mua ya sigi bakanya kitai enti laun sigi abis orang kena anu anang ke orang deriba kerita orang ke ngena basikal kekadang kena anu ga ukai tudah nemu kitai ka berumban nya meh kitai enti bisi pengawa pegila lusa pengawa ke penting mseti besedia dulu kitai awak ke enda segaut. Serantau jalai Vella mucau nyau muncung mulut ya mucau abis orang kena anu ukai orang aja traffic light pun kena anu ga enda bulih setengah jam datai meh Vella ba opis endur ya minta pengawa dia Vella tepeda ke siti kerita celum parking ba endur bisi tulis bechurak kuning.
‘Kerita laki malam tadi tok ney…’ dia Vella gegadai bejalai semak ngagai kerita nya alu sipak ya tayar kerita nya enda mukai-mukai alarm kerita nya alu bebunyi nya tekenyit vella alu ngaga diri ngadu ke kasut enggai ke temu orang nendang kerita datai meh guard meda kerita ke bebunyi nya alu nelipun orang ke empu kerita nya dalam kandang 15 minit alarm nya baru badu bebunyi. Vella enda memunyi mina rerising gaga ati laban udah nendang kerita laki ke enggau ya berebut ke butul jus malam tadi pama amat ga Vella taja betemu enda lama agi ga Vella ingat kerita laki ke enggau ya belaya.
‘Laun ga nuan datai Vella’ pia ko siko indu nyapa Vella ari belakang
‘Jam aku jai aa..enda bebunyi pagi tadi nya laun’ saut Vella
‘Jampat nuan register dulu udah nya duduk ditu nganti orang ngagau ingat ke surat nua beri ngagai kaunter nyin’ ko indu nya nunjuk ke Vella.
Dia Vella alu jejampat bejalai nuju meja kaunter udah ngisi boring dia Vella nyerah ke fail bechurak biru ngagai indu ke nyaga kaunter nya dia Vella alu bejalai duduk sepiak kaban ya. Mayuh meh utai kerandau seduai ya nyau gegetar jari nganti orang ke ngagau tama ke dalam bilik interbiu lama amat ga asai jam beputar udah siko pansut siko agi tama enda berasai nyau bebunyi perut Vella laban enda ngirup pagi tadi puas Vella ngetat ke perut awak ka enda munyi agi ga bebunyi sigi bakanya perut enti ka bebunyi nadai peduli ke orang bisi tau ka nadai tak penitih ke peneka ya bebunyi enda ya nemu kitai ke malu inga munyi perut diri empu.
‘Vella..sila masuk’ ko munyi nyawa ngagau ke nama Vella
Begadai Vella angkat nyau celap asai kaki enggau jari amat sigi bakanya enti maya interview anang ke jari ati nyau dedegup nyau ulih dinga munyi ati maya nya alu nadai agi munyi perut semina munyi ati ke dedegup enggau jari gegetar ukai ketegal takut tang nervous ko orang ribai.
Pengudah tembu interview dia Vella mulai kediri ke rumah asai ke lantang asai ati tang lama amai ga nganti orang madah bulih ke enda nyau nganti dua minggu baru orang madah sapa bulih ke enda uji madah kala nya nyamai ga kitai ninga bulih ke enda tang sigi baka nya ga asai kitai ngiga keja ukai siko ke interview orang ni nemu kemari ke saritu ke pegila ka nya meh orang selalu madah nganti dua minggu laban maya nya orang ke ba sigi-sigi endur minta keja sigi ngiga orang ken emu gawa enggau orang keamat-amat ka gawa.
Dalam kandang sminggu lebih dia Vella gaga ati laban orang ngasuh ya nurun keja minggu baru Vella bulih ba endur opis ya interview nya dia Vella madah ngagai apai indai ya udah bulih keja ngangka meh pengaga apai indai Vella sapa apai indai enda gaga meda anak sida ya bulih pengawa ke menyana bulih keja ke badas ulih ngiga belanja kediri empu ulih ga nulong apai indai.
Maya ari satu tumu pagi Vella udah dani beradu enggai ke laun laban saritu ari mula ya gawa enggau gaga ati Vella nurun meda mumy Vella udah nyedia ke udai dempa pagi apai Vella udah lama dani nurun nangkal tambah ga ari manah endur nangkal tambah agi rega getah amat manah ga maya tok datai RM7 sekilo tang indai Vella enda nitih ke apai ya laban nadai orang ngaga ke Vella tai empa pagi. Pengudah ngirup pagi Vella merap indai ya sebedau mupuk nurun keja maya Vella nyurut ke kerita sempat ga Vella ngepai indai ya nyengjuk ba ruang tamu merati ke anak dara ya nurun keja.
Dalam kandang 30 minit datai meh Vella ba endur gawa dia ya meda opis nya nangka pemesai ukai endur sida ya interview sarinya laban maya sida interview ba hotel ukai ba opis benung Vella merati ke endur opis nya dia Vella tepeda ke kerita celum parking ba endur bisi tulis kuning ba baruh dia Vella asai ke ngelala kerita nya enggau begadai Vella bejalai semak nuju kerita celum nya.
‘Nama tok kerita laki nya baru deh? Sarinya bisi ga endur interview diatu ba ditu anang-anang laki tok sama enggau aku interview tang mayanya nadai ga aku meda ya enggau kami duduk ba luar maya interview’ pia ko Vella bejaku kediri
Maya Vella tama ke opis nya dia Vella bebengap meda orang dia benung kisuk ngaga keja semu benung ngaga keja diri empu nya degi-degi tudah Vella merati ke orang dia tang nadai ga orang peduli ke Vella semua benung ngaga keja diri empu. Enda lama udah nya datai siko indu ngena baju burak ngelawa ngagai Vella benung degi-degi ba mua pintu alu betabi enggau Vella mai ya bejalai ngulu ke Vella bekelala enggau orang keja dia pama enti bisi orang baru ba endur keja alu capuh orang ke lama dia enti laki lubah orang ka capuh tang enti indu sigi mayuh macam ulah mensia ni ke ngaga diri ka nguntik ni ke ngaga diri ka betabi .
Dia indu nya madah endur dia ukai endur Vella keja tang endur siti da agi nyau niki ngagai tingkat 3 Vella bai indu nya mayuh amai ga orang meda Vella nyau memalu tekuyung Vella peda orang tang ulih ga ditat ke Vella.
‘Ditu endur nuan keja Vella dalam opis tok bos kitai semua aaa…agi bujang tau sigat agi nya’ pia ko indu nya
Vella enda bebunyi semina tuchum merati ke ulah indu nya dia meh indu nya nanya ke bos udah datai ke bedau pama udah bos sigi laun datai ukai sama enggau jam kitai sida bos gawa nya meh selalu disema ke orang baka bos bos laban laun nurn keja.
‘Nyin bos datai legi aku mai nuan betemu enggau bos kitai. Enti nuan ka nemu bos kitai nya aja ke bangsa iban kelain nya bangsa bukai nya meh mayuh ba department tok iban laban bos kitai nulong kitai ngangkat ke bangsa diri empu tang bos tok lain mimit selalu ja tuchum enti ya nganu enda nuan nemu enti ya sinu enda nuan nemu semina tuchum aja ba mua ya tang ngasuh ku geram meda lesung pipi ya hehe..kiut amai bos kitai untung nuan ari-ari ulih betemu enggau bos jilis amai aku..’ko indu nya panjai amai ga jaku indu nya madah ke pekara bos baru Vella.
Dia Vella nitih ari belakang tekenyit Vella meda laki ke nyadi bos ya nya laki ke enggau ya belaya ba supermarket suba nyau malu Vella meda laki nya tang laki nya semina tuchum meda Vella bediri ba mua ya nemu meh Ikie Vella malu betemu enggau ya laban Vella kala nganu ya tang amat badas ati Ikie nadai nyimpan dendam nadai ringat dia Ikie berdiri bejalai begadai ngulur ke jari ka betabi enggau Vella.
‘Good morning Vella, nice to meet you and welcome to this office I’m Ikie’ pama ga Ikie alu jaku ribai enggau Vella
“Ngisin kediri bejaku ribai nyepi diri empu bos tengkuk enggau nuan tok legi aku nemu meh jaku ribai ukai nuan aja” pia runding Vella ngulur ke jari ka betabi
‘Good morning I’m Vella nice to meet you buus’ pia saut Vella baka ke enggai alah nyau muncung mulut nyebut ‘buus’.
‘Akai agi ringat ngagai aku nuan pia Vella udah meh nya ketegal sebutul jus tua belaya legi enda alah nyadi ke lagu ila hahaha..’pia tundi Ikie
“Nasit nuan bos enti enda udah tingko aku kening nuan Ikie” ko runding Vella semina tuchum aja.
‘Sarinya aku bisi ga meda nuan datai interview tang aku enda nemu nama nuan tambah legi enti ku merening nuan enda alah diacuk orang mata kitai hahaha.. nasit ga nuan bulih keja ditu oh ya maya nuan datai interview maya nya bisi nuan meda orang nyipak kerita aku?’ pia tanya Ikie
Tekenyit meh Vella ninga Ikie mada pia lama Vella enda nyaut
“Apuu..aku ke nyipak tayar kerita ya sarinya mati aku enti ditemu ya” pia ko runding Vella
‘Nadai aku meda engka aku enda tepeda kini’ ko saut Vella
‘OO…enti pia enda ngawa ga laban tayar kerita ku singit nasit ga bisi cctv ba dia legi bisi sekuriti madah legi’ ko saut Ikie alu duduk ba bangku ya
“Akai enda alah aja mula keja udah dibuai ketegal nyipak kerita bos nyamai aku ngaku aja ari dibuai keja” nyau tusut runding Vella ka ya madah takut anu bos nyamai ya madah ari ditemu orang malu agi nyema ditemu orang nyipak kerita bos
‘Aku meh nyipak tayar kerita nua sarinya…minta ampun auk?’ ko Vella
Ikie alu angkat mua tuchum nyadi jai merening ngagai Vella
‘Sheila..ulih nulong ngaga ke aku kupi?’ ko Ikie madah ngagai Sheila indu ke enggau Vella tama tadi nadai bejaku terus pansut baka ke robot Sheila semina nitih ke jaku Ikie aja ya enti bos udah meri perintah sigi tith ga enti ngelaban enda lama kitai dibuai keja
‘Aku ka nemu nama hal nuan nyipak kerita aku? Ukai kerita aku nganu nuan ukai kerita aku nyipak nuan nama ga nuan pedis ati ngagai kerita aku deh?’ pia tanya Ikie
Vella mina enda memunyi laban nemu salah diri semina nunduk ke mua ya meda lantai ba baruh baka ke nganti orang ke meri ukum tudah Vella dia Ikie begadai bejalai nuju ngagai Vella
‘Anang irau nuan Vella nadai aku nganu nuan semina aku ka nuan ngaku penyalah diri empu nyema nuan berani terus terang nya tanda nuan sanggup nerima hukuman ketegal penyalah nuan ila enti nuan pedis ati anang nyipak tayar kerita auk sayau kaki nuan nyau pedis uji nuan anang kelalu nitih ati auk enda manah’ pia ko Ikie.
Bebengap Vella ninga utai ke pansut ari mulut Ikie enda ya nyangka laki ke bediri ba mua ya nya ukai aja bos tang amat nelap taja Vella nyipak kerita ya enda meh Ikie ringat. Jarang orang indu tetemu ke laki bangat nelap baka Ikie taja Vella pedis ati ringat ngagai Ikie tang Ikie nadai kala nganu ya semina tuchum aja laban bagi Ikie nadai guna ringat nadai guna pedis ati laban ati mensia nemu berubah.
Sepenglama gawa baruh Ikie dia meh Vella nemu memimit tentang pengidup Ikie enda ya nyangka bos ya nya semina siko aja ba menua injau taja bos ya selalu tuchum enda Vella nyangka taja bos ya selalu ketawa gaga tang ati dalam din cukup merinsa baru Vella nemu sapa Ikie kea mat nya meh Vella nadai kala meda Ikie bejalai pansut enggau bala sama keja dia enti pulai keja selalu aja Ikie terus pulai tang selalu ga sduai betemu ba supermarket ke endur seduai belaya.
Nyema betemu pan Vella semina meda Ikie ari jauh meda ulah Ikie ari jauh ka ya semak tang malu laban Ikie nya bos ya tang nyema Ikie bejalai ngagai supermarket nya bisi ga Ikie meda Vella bejalai meli barang ke Ikie ngelawa Vella Ikie agi nangi nangi legi ati ya tebuka baru Ikie agi takut legi semina ngasa key a nya meh Ikie selalu baka ke enda ngelala aja enggau Vella nyema seduai berimbas enda meh Ikie nanya semina ngetat ke ati dalam din tussah enti kitai dah sekali asa selalu kitai ngenang pekara yang sama bakanya meh Ikie laban ya enggai ati ya pedis baru.
Pulai ke rumah baka selama pengudah ngaga ai kupi Ikie duduk ba bangku ruang tamu ya tang nyelai amai ulah cuwen sarinya tak baka ke selalu merati ke luar jendila ka madah bisi orang dia nadai ga dipeda kekadang cuwen baka ke ka nganu meda keluar rumah kekadang bulu cuwen terangkat maya bisi angin bepuput dalam bilik nyema Ikie mupuk keja cuwen sigi ba luar aja baka ke enggai tama rumah semina Ikie datai baru cuwen tama nya pun enti Ikie udah muka pintu enti malam cuwen baka ke enggai tinduk selalu aja baka ke ka ngelaya mayau bukai kekadang mata cuwen kulu kili baka ke meda utai.
Dia Ikie tepeda ke bup bechurak biru betulis Dairi Pengerindu ba kulit luar nya bisi bekau keramak cuwen tiap kali Ikie ngambi bup nya cuwen sigi engkechit nerkam bup nya ari jari Ikie kekadang awak ke Ikie aja cuwen duduk ninggang bup nya tang nyelai amai utai ke nyadi maya nya bekau keramak cuwen bisi bekau darah pansut bendar Ikie meresa cuwen engka cuwen bisi telih nadai ga dipeda nyau bendar Ikie berunding kati tau bisi bekau darah ba bup nya enda ga Ikie peduli ke bup nya majak ngaga pengawa ya empu cuwen enggai ga angkat ari bup nya.
Enda berasai lemai ngalih malam nyau enda berasai ga Ikie pemuas ngaga keja meda jam udah pukul 1 pagi nasit ga pegila nadai keja laban ari 6 enggau ari 7 sigi nadai keja ga sida ya dia Ikie bejalai nuju ke dapur ka ngaga ai kupi baru dia ya sempat ngagau ke cuwen nadai ga cuwen datai bendar Ikie ngiga cuwen nadai ga dipeda pemuas ya pansut Ikie ke luar nyau besai nyawa Ikie ngaga ke cuwen nadai ga cuwen datai.
‘kini ke penungga mayau tok tadi nemu amai ga belelang engka ba atas kini’ ko Ikie
Dia Ikie niki katas ngiga cuwen benung Ikie bejalai niki tangga dia Ikie tedinga ke munyi orang ngeramak pintu bilik panking ya tekenyit Ikie alu enggau pengelekas muka pintu tang nadai ga orang tau ka cuwen dipeda ya nyau enda nyamai asai ati Ikie abis rumah endur ya ngiga cuwen pemuas ya baru ya tetemu ke cuwen benung duduk ba atas mija endur ya ngaga pengawa dia ya tepeda ke mulut cuwen baka ke darah lekat ba ngeli taring cuwen.
‘Bulih cit nuan tadi pia cuwen? Aruh nadai tadi am tinduk tua ngantuk amai dah aku’ ko Ikie alu merap cuwen mai cuwen tinduk.
Demalam nya Ikie bemimpi betemu enggau siko laki amat tinggi laki nya besai tang nyelai amai pala yapala uduk ka Ikie lari enda ga ulih asai ke udah ditancang kaki jari ya bendar Ikie ngelingkang enda ga ulih lepas ka nyerauh enda ga ulih laki nya makin semak enggau Ikie alu nyekak rekung Ikie udahnya ayas-ayas Ikie meda laki siko datai ngeju ke laki bepala uduk nya dia laki bepala uduk ya alu ke ngelaban laki ke ngeju ya tadi Ikie semina meda aja seduai ya bejamah enggau pangan diri dia laki bepala uduk tadi nerekam ngetup kaki laki ke ngeju ya tadi amat sikar ga laki ya alu nyipak pala laki ke bepala uduk nya nyau telentang alu ngelari kediri tang laki ke bepala uduk nya sempat nyeling meda Ikie
Pengudah ulih ngelepas kediri dia Ikie alu tedani tepeda ke cuwen benung nilat kaki ya ke telih nya nyau segaut Ikie ngiga ubat ngubat kaki cuwen ke telih udahnya kaki cuwen dibalut Ikie enggai ke balat agi pedis nyau besai kiau cuwen ngetat ke pemedis sinu Ikie meda cuwen kekiau narit kaki ya
‘Lubah meh aku ngubat kaki nuan dulu balat agi nuan bedarah legi balat agi nuan pedis’ enggau ai mata nerutu ba kuyu Ikie ngubat kaki cuwen dia meh cuwen mina ngetat ke aja Ikie ngubat ya sayau amat Ikie enggau cuwen enda berasai ai mata labuh maya ya ngubat cuwen baka kenemu ga cuwen Ikie ngubat ya
Pagi nya agi ga kaki cuwen pedis dia meh Ikie ba tisi cuwen nyau sinu ga tudah Ikie meda cuwen nyau kejingka bejalai nya meh Ikie ngasuh ya duduk aja ba bangku semua pemakai enggau ai cuwen disedia ka Ikie nyema Ikie nurun keja dia meh cuwen bai ya ngagai opis nya enda memunyi bala orang sama keja meda ulah Ikie mai cuwen ngagai opis ya tang cuwen semina gali aja pemulai ari keja Ikie nganjung cuwen ngagai doctor haiwan pengudah dicek orang diberi org ubat dia orang nanya Ikie
‘Ikie..nama cuwen bisi belaya enggau uduk ?’ pia tanya indu misi ngagai Ikie. Bendar Ikie berunding kemaya cuwen bisi belaya enggau uduk semina temu Ikie cuwen sigi semampai ba rumah belama nyau tusut runding ninga indu misi madah cuwen kala belaya enggau uduk enti cuwen belaya enggau uduk sigi balat agi ari nya bekau telih cuwen tang nya semina kaki ya aja ketelih
‘Setau aku nadai cuwen belaya enggau uduk laban nadai orang nupi uduk ba endur ku diau tambah agi aku nadai nupi uduk’ ko Ikie. Pegudah ngambi ubat cuwen dia meh Ikie mulai kediri ke rumah.
‘Bos, legi bisi meeting pukul 9 legi enggau client’ ko Vella madah ngagai Ikie benung ngayam cuwen
‘Berapa kali aku madah anang ngagau ke aku bos akai….kangau aja aku Ikie..Vella kitu dulu nuan ku ka nuan bekelala enggau cuwen’ ko Ikie ngagau ke Vella
Dia Vella alu mansang meda Ikie benung merap cuwen. Aruh ya Ikie sayau ke cuwen amat manah amai bulu mayau nyak udah ga besai gemuk agi tambah keamat dipurus bapala dia Vella alu merap cuwen enda berasai Vella teberap ke Ikie sekali
‘Nama pengawa nuan?’ pia ko Ikie
Vella tekenyit laban teberap ke Ikie nemu amai ga cuwen belakun nyema Vella ngulur ke jari ya ka ngambi cuwen dia cuwen baka ke marap Ikie ngasak amat udah ga tubuh cuwen besai amai enti orang bukai meda baka ke beberap meh Ikie enggau Vella nyau makin damping Vella enggau tubuh Ikie majak ga ati ya tetengut dia Ikie meda Vella memalu ka ngmbi cuwen tubuh seduai udah ga semak amai begadai Ikie medagi pinggang Vella siti jari Vella udah ba bahu Ikie sepiak megai tubuh cuwen nyau tegama ke dada Ikie jari Vella enda berasai amat betemu mata nemu amai petara ngaga meri pengerindu ngagai anak mensia ari sebutul jus sduai betemu ari mayau benama cuwen seduai nyau beberap angka udah nasit seduai ya digaga petara begulai enggau pangan diri.
“ Vella, bisi kini-kini nuan lemai tok? Aram bejalai tua legi ka nuan? Tamba mega aku ka meli utai empa cuwen” ko Ikie nanya Vella
“Tau ga..legi nuan ngambi aku ga auk dalam kandang pukul 8 bakanya meh nganti aku dh tembu beradu” ko saut Vella
Enda berasai siang ngalih malam dia meh jarum jam nunjuk ke numbur 8 ari dalam bilik Vella merati ke luar tang enda lama udah nya dia Vella tepeda ka kerita celum sangkai bap agar rumah ya begadai siko laki pansut ari kerita alu nuju ngagai pintu rumah Vella.
TUK! TUK! TUK! Benung Ikie ka ngetuk pintu kali ke 4 dia mua pintu tekuak begadai cecegit siko indu tuai ba mua pintu tuchum alu ngasuh Ikie tama taja baru betemu tang asai ke lama udah ngelala tudah Vella nyau kekasak beradu pama amai ga indu dara enti beradu enti disebut ka bejalai ngau laki tau ka kaban tauka pangan sigi lama gab ala indu dara nganta nyau bepilih ke gari deka dikena semua mesti manah magang nadai mantah nyau ngalah ke bala sida artis enti udah ka amat nganta nya meh ati orang bujang semampai tekait belama meda bala indu dara.
“Sapa nama nuan igat? lama seduai udah bepangan igat? ari ni penatai nuan igat? ukai nama aku nanya igat aku tok apai Vella ka meh nemu sapa laki ke enggau ya begulai enggau ya enggai ke salah kaul pegila lusa” ko apai Vella
“ Ikie nama ku ibuk ayak aku semina bekaban enggau Vella laban kami duai sama endur keja tambah mega baru aja bekelala enggau pangan diri. Jauh menua aku ayak ibuk tambah mega aku semina kediri aja ba dunya injau ditu apai indai madi udah ga ngejang ngagai batang mandai semina aku aja ditinggal ke sida ya nyaga menua tok.” Saut Ikie
Enda berasai nyau sinu ati apai indai Vella ninga pemerinsa nuntung laki ba mua seduai ya taja laki nya sigi orang bepangkat besai tang jaku ya amat baruh laban ngasai ke diri semina siko aja ba menua injau bendar sida tiga becerita sepenglama nganti Vella ke beradu nyau abis utai tanya apai indai Vella sigi bakanya ga apai indai nyema laki datai ngemai anak indu sida ya pansut bejalai ukai nama labannya tanda sida apai indai sayau ke anak sida ya takut pegila lusa nyau nasal nyau munyi ke jaku orang tuai nasal ila nadai meh guna utai udah ga nyadi nyamai bejaga-jaga dulu.
“Pama daddy enggau mummy tok nyau baka pulis nanya orang kasih Ikie tanya kita bakanya udah ga Ikie baru aja kitu” ko Vella dedegi merati ke ulah apai enggau indai ya
Ikie mina tuchum aja meda ulah Vella bedau sempat Ikie bejaku dia Vella alu narit jari Ikie mai mupuk pengudah madah kediri deka mupuk Ikie alu nitih ke Vella ari belakang. Pengudah nyangkai ke kerita dia seduai mupuk bejalai ngelawak kedai taja malam tang nyau kenyau ja api ba kedai nyau baka ke siang pama disebut ke Parkson tau ka Bouleverd sigi empai tinduk bala mensia ni ke bejalai merindang ati enggau sulu enggau kaban bisi mega ke bebeli ke utai bisi ga mega duduk ba kedai ngirup angka negtu enda lama pengudah bejalai ngeliling pasar.
Dia seduai bejalai betundi enggau pangan diri nyau enda berasai memunyi perut tudah Ikie madah kediri lapar minta diisi
“Vella am makai dulu tua auk? legi tua bejalai baru lapar amai perut tok” ko Ikie madah ngagai Vella. Dia Vella semina tuchum meda ulah Ikie memurus perut
Benung seduai ngiga endur kedai makai dia Ikie tekenyit meda bala kaban ya benung capuh duduk ba kedai makai.
“Vella minta tulong nuan amat-amat aku..ulih nuan nyadi sulu aku enda lama auk? legi mayuh tanya bala kaban aku enti aku semina madah ke tua tok semina bekaban enti ku madah nuan pangan aku nadai sida ya mayuh tanya agi” ko Ikie. Vella enda nyaut nyau tekenyit ninga jaku Ikie tadi. Bedau sempat Vella ka nyaut seduai ya udah semak enggau meja endur bala kaban Ikie.
“Akai nuan tadi pia Ikie..apo sapa indu dara sepiak nuan nya? “ ko kaban Ikie nanya. Pama enti kaban nanya bakanya sigi tussah ka nyaut.
“Pangan aku tok Vella…”ko Ikie alu narit bangku ngasuh Vella duduk dia Ikie duduk sepiak Vella
Nyau panjai cerita malam nya nasit Vella bisi ba tisi nyau makin gaga ga ati tudah Ikie mayuh bala kaban ya semua muji Vella nyau memalu tekuyung tudah Vella
“Minta ampunku ngagai Vella angka Vella pedis ati kini tauka aku bisi salah jaku ke tadi kaban aku sigi bakanya selalu ka amat betundi” ko Ikie sepengudah seduai angkat bejalai baru.
“Enda ngawa capuh mai kaban nuan tambah mega sida ya nemu amai nusi cerita nyau pedis kuyu ketawa” ko Vella
“Nya baru mimit nya Vella enti nuan begulai enggau kami selalu kada enda luput nuan ketawa” ko Ikie nundi Vella
“Aram Vella pulai tua ku nganjung nuan dulu” pia ko Ikie madah ngagai Vella
“ Agi tumu tok aa..baru ja pukul 9 legi meh nuan nganjung ku pulai ku agi ka bejalai” saut Vella
“Enda manah nuan laun pulai kelebih agi nuan indu aku laki kati ke runding apai indai nuan legi tambah mega kati runding orang meda nuan laun pulai legi kasih apai indai nuan legi” ko Ikie.
Vella enda nyaut laban jaku Ikie nya bisi pengamat ya dia meh Vella nitih ke Ikie ari belakang alu mupuk mulai ke diri meh seduai ya. Datai ba rumah Vella Ikie alu nitih ke Vella ari belakang enda manah ga kitai laki enti nganjung indu semina ba pagar aja legi kumbai apai indai orang indu kitai semina deka ngulih ke anak sida ya taja takut nyau gegetar Ikie cub angering ke ati diri nganjung Vella benung seduai tama kebilik dia indai Vella tepeda ke Ikie enggau Vella
“Tama igat..Vella bai tama sulu nuan nya “ ko indai Vella
Vella enda nyaut semina madah ke Ikie ngalu tama lalu duduk ba bangku nunga apai enggau indai Vella taja dalam ati nyau kesal tang ulih meh ditat ukai ketegal ngaga penyalah tang enda nemu nama jaku apai indai orang indu nama utai ke ditanya apai enggau indai orang nya utai ke dirunding Ikie.
“Tumu seduai pulai igat? sepenglamatu enti Vella enggau kaban ya pansut pukul 11 nya selalu pulai” ko apai Vella
“Ukai nama ayak, enda manah Vella pulai laun tambah mega aku laki Vella indu legi lain ga peda urang taja urang enda madah ke kitai tang ukai kitai nemu ati urang ayak ibuk enda alah kitai dipejaku ke sida ya ba sebelah orang” ko saut Ikie
Apai enggau indai Vella semina tuchum ninga saut Ikie tadi dia baru meh aai enggau indai Vella nemu pemadas ati orang laki ba mua seduai ya.
“Amat ke nuan Igat pandak mulut engkerasak panjai mulut kitai” saut indai Vella
Pengudah nganjung Vella pengudah betabi enggau apai indai Vella dia meh Ikie alu mulai kediri kerumah nyau lain ga asai deriba kerita kediri nyau sunyi asai Ikie laban nadai urang sepiak ya enggau ya berandau enggau ya betundi.
Datai ba rumah Ikie alu duduk ba bangku dia meh cuwen begadai bejalai ngelawak Ikie nyau kejingka tudah cuwen.
“Cuwen kitu ku ngubat kaki nuan dulu nya kitai anang mancal” ko Ikie benung ngubat kaki cuwen.
Pengudah sebulan Ikie enggau Vella begulai taja pan seduai ya madah kediri ngagai urang semina kaban tang ulah seduai ya enti bejalai nyau baka urang ke bepangan laban deka Vella madah ke isi ati diri tang malu ga legi enda alah dikumbai urang indu nguntik laki tang Ikie nemu saggam ati Vella dia meh Ikie berunding kati ka mansut ke isi ati ya madah ke penyayau ya ngagai Vella pemuas berunding dia meh Ikie ngaga siti rancangan awak ke Vella nemu bakani penyayau enggau pengerindu Ikie ngagai Vella
Kena ka ari 6 dia Ikie mai Vella bejalai baka selama tang diatu lain agi nyau makin mentas enggau pangan diri.
“Vella aku bisi utai ke dipadah ngagai nuan malam tuk legi aku ngambi nuan auk?” ko Ikie tang Vella enda memunyi laban ya enda nemu saggam ati Ikie
Malam nya Ikie mai Vella makai ba restaurant tak bangat tebilang ba endur sida ya nyau baka ke YB endur nya orang malam nya mimit amai ga laban enti makai ba endur nya mesti dibooking dulu ukai nya baka kedai sebelahnya duduk aja ulih meh makai tang nya semua rancangan Ikie deka mansut ke juluk ati diri deka madah ke pengeran ati diri ngagai Vella pengudah tembu makai, Ikie angkat bejalai alu bediri ba mua Vella. Dia Vella tekenyit meda ulah Ikie nyelai amai malam nya semina merati ke ulah Ikie aja tudah Vella
“Vella uji nuan nutup mata nuan auk?” ko Ikie. Vella enda memunyi semina nitih ke peminta Ikie nyai celap asai pegu Vella tekena utai ke dipasuk ke Ikie ba rekung ya dia Vella encelak tepeda ke marik emas ba rekung ya
“Vella selama tu engka nuan enda nemu tau ka nuan udah nemu aku sayau amat ke nuan baka ke malam tok aku deka ngambi nuan nyadi ke pangan aku” ko Ikie nyerugang ba mua Vella.
Asai ke bisu tudah Vella meda ulah Ikie deka bejaku tang enda ulih tepansut ke jaku nyau dedegup munyi jantung dalam din asai ke celap angat tudah Vella enda Vella kala digaga laki bakanya selamatu asai ke bemimpi meda orang ke disayau dikerindu nyerugang nyua ke bungai ba mua ya pemuas berunding ngumpul pengering ati dia meh Vella alu nyaut
“Ikie..selamatu aku takut madah ke nuan aku pan sayau ke nuan mega lama amat aku nganti aku berunding bakani aku ka mansut ke saggam ati diri tang nuan dulu madah gaga amai ati aku..nama tua semina bepangan aja pia? Kumbai ku nuan ka ngambi ku nyadi bini tadi” ko Vella
“sempat ga Vella betundi nyadi bini nya enti aku betemu enggau apai indai Vella dulu auk laban aku deka berandau enggau sida ya” ko Ikie
Berita tentang bup bechurak biru nyau megau ke mayuh menua nyau ka tetakut orang ngaga danji takut danji datai nagih baru taja mayuh utai kena ngelaban bup tok ngambi nyawa anak mensia enda meh ulih kati ka muai bup tok? Kati cara ka ngancur ke bup tok? Taja ia semina bup tang ya ulih ngasuh anak mensia nulis danji ba dalam bup nya makin ari makin mayuh anak mensia midang lesi laban orang ke megai bup tok jauh amai bebeda ari orang ke megai bup tok dulu suba nyema sida ya udah ngaga danji sigi selalu orang meda ayas utai betubuh mensia tang pala ya baka uduk ukai siko dua tang mayuh udah dengah ya semina ke nasit manah aja ulih ngelari ke diri ari bup tok semina orang ke ngamat ke danji aja ulih selamat ari bup dikangau bup DAIRI PENGERINDU…..
Pemuas bejalai ngiga mangsa dia bup bechurak biru labuh ba mua pintu orang ngica ke bisi orang ngambi nulis danji dalam bup nya awak nyamai ngiga mangsa orang ke megai bup nya semampai bejalai ngiga darah ngiga nyawa. Dia Ikie baru mulai kediri ari kerja nuju ngagai rumah ya sampai ba mua pintu dia Ikie tepeda ka bup bechurak biru ba mua pintu ya begadai Ikie ngambi bup nya. Udah tama ke bilik alu engkah ya bup nya ba atas meja ruang tamu ya alu muka maca bup nya.
‘Nyelai amai bup tok baka ke diajih bup tok amai kini orang ke nulis nama dalam bup tok begulai sejalai selama ia? Enda entu arap aku ngau bup tok legi sebaka bakanya tadi ga ukai nya aku selalu bahagia dalam idup aku mayuh agi ke pemerinsa datai nuntung semina ngemeli ke aku aja bup tok’ pia runding Ikie alu nutup bup nya. Ba luar rumah Ikie bisi mata orang merati ke ulah ya ari luar merati ke pengawa ya laban bup nya semina umpan ngagai anak mensia awak ka nulis danji ngaga danji ba bup nya. Taja pia Ikie ukai baka laki bukai amat orang madah idup ya nyamai keja manah rumah bisi kerita bisi tang semua nya nadai bereti enti semina kediri aja diau dia kediri aja maya malam maya siang.
Amat kaban Ikie mayuh tang Ikie jarang amai pansut bebakih ngau orang bukai ukai ketegal ya enggai tang enti bala kaban mayuh bekumpul nyau mayuh cerita nyau deka bebeli ke ai bisa. Mayuh ga ulah orang bakanya enti nyau betugung memagang alu madah kediri aus nya meh mayuh ka agi ke ngirup tang nya meh salah mensia pama udah ngirup alu tebantai memagang ulah pangan diri utai nya meh ngasuh Ikie enda bejalai betemu ngau kaban. Amat lain amai ga ulah kitai mensia maya udah ngirup cukup kering asai ke ulih babut pun tapang asai ke ulih dangkat ke kerita tang maya gawa legi nyau beasuh-asuh legi madah ke diri enda nyamai isi legi madah pedis patung. Pama disebut ke ngirup sigi enda ibuh dikangau sigi datai taja orang nadai madah nadai nesau.
Tambah mega Ikie tok ukai orang pengirup ya semina ngirup maya bisi pengerami aja laban ka ati Ikie dalam din ngirup nya mayuh ke agi masau duit legi empai datai tengah bulan alu sebana enda cukup duit dikena belanja makai anang agi ke udah bisi anak legi nyau nadai belanja anak kena sekula kelebih agi nyau ngelimat maya meli lauk maya nya baru nyesal ke ulah diri lapa maya terima ujung bulan uji simpan duit bisi ga kena belanja sampai ujung bulan nya ujung bulan terima alu deka diabis ke kala nya ukai nya sari ngiga duit sebulan ngiga duit nyau bepeluh tusur ngiga ya.
Nya meh Ikie tok nyau enda entu ka begulai ngau orang bakanya biar meh orang ngumbai ya sumbong biar meh orang ngumbai ya isin-isin tang kelebih agi Ikie panjai runding ukai nya dua kali terima sebulan nya meh Ikie selalu ngelimat belanja ya udah semua utai abis dibayar baka kerita,rumah,bil api ngau ai baru Ikie magi duit kena minyak kerita ngau belanja ya sebulan nya. Nyameh Ikie nadai kala suntuk belanja amat idup bujang tang enti selalu nyimpan duit mimit-mimit nyadi mayuh meh ya. Ba opis Ikie selalu orang nanya ya kati ka ngalau belanja laban ari pun bulan nyentuk ke ujung bulan Ikie nadai kala sebana ketegal enda cukup belanja ka madah gaji ya besai tang semina nguna standard diploma aja ukai nya besai RM1200 sebulan tang enti tambah ngau claim ngau elaun ya travelling bisi ga kena tudah Ikie ngidup ke diri ba menua orang.
Tang semina sigi aja ngasuh Ikie tusut runding ketegal pengerindu taja Ikie selalu ngiga indu ngau bepangan nyau semina asa aja ga tudah ya. Kekadang tekena ke indu tak baka ke dompet tudah Ikie digaga indu nya enti nyema ka meli utai baru indu nya ngiga tudah Ikie legi maya udah terima nyau nadai dinga kangau indu nya manah enti bisi ngiga Ikie enti bepansa ba pasar baka ke enda ngelala tambah ga indu nya selalu aja tama pansut ari pub. Nya meh Ikie enda entu peduli ke indu nya. Agi Ikie ingat maya ya betemu ngau siko indu bulan nyin suba mula aja madah rindu madah sayau udah beberapa minggu alu nadai dinga rita semina mesej aja dikirum madah ke diri meri masa ngagai tudah Ikie semina ngasuh nganti belama nyau baka ke nganti bulan labuh ba tapak. Nya meh Ikie enggai agi nerima pengerindu dalam ati ya nyentuk ke saritu Ikie agi idup kediri.
Pengudah ngaga ai kupi ngau meri mayau ya makai dia meh Ikie alu muat gari sigi bakanya ga idup bujang semua digaga masu gari kediri nyumai kediri amat pama ga Ikie nemu amai nyumai enti betanding ngau indu kada enda alah sida ke indu laban Ikie. Ukai nama Ikie nemu nyumai nemu ngintu diri laban ari mit ya nyepi pemerinsa ari suba ya idup kediri nadai apai indai semina tudah Ikie aja nguan menua injau.
Datai ba ruang tamu dia Ikie duduk nungga tibi ba mua ya begadai Ikie engkah ai kupi ya atas meja cermin alu duduk semina merati ke tibi bebunyi. Taja nyawa tibi nya ingar tang runding Ikie nyau ke bukai semua munyi pansut ari tibi ya semina ngerimbas pending ya nadai sigi lekat tama dalam untak ya baka ke bejaku kediri tibi nya ba mua Ikie. Dia meh runding Ikie nyau beputar ngenang pengidup diri nadai apai indai udah mupuk ngejang ke batang mandai enda berasai ai mata nitik masah ke kuyu Ikie ngenang ke mua apai ngau indai ya sunyi amai pengidup Ikie nadai kala nyepi penyayau indai penyiru apai nadai indai endur madah ke pemedis pemerinsa ati diri nadai apai endur berandau betunga mua nadai bala madik enggau begagai enggau betundi. Balat amat ga penguji beri petara ngagai Ikie semina ya aja agi nguan menua tang ketegal sabar ngau pengering ati meh nyadi tenggau lalau ya ngidup kediri ari mit ya bekuli laban ka ngulih ke pemandai ngau kena ngubah pengidup Ikie. Ari cermin jendila Ikie meda ulah jiran seberai rumah ya meda siko indu ngau laki benung begagai ngau dua iku anambiak nyau enda berasai sinu amai ati ya ari mit ikie nadai kala diberap apai disium indai ba kuyu begagai enggau madi begadai Ikie angkat merati ke ulah jiran seberai rumah ya dedegi ba jendila rumah ya.
“ Untung amai orang bisi apai indai enggau madi semampai gaga belama enda baka aku semina kediri aja” pia runding Ikie mata ya nyau beraie baru meda ulah jiran ya.
Enda berasai kaki ya bisi asai tegu utai ke bebulu nyandih ba kaki Ikie dia meh Ikie lalu tekenyit meda ke baruh tepeda ka mayau ya benama cuwen. Cuwen bulih nama ya ari bulu ya semua bechurak oren nangka pengemuk cuwen laban enti laun makai enda berasai kaki Ikie keramak cuwen anang agi maya pagi cuwen meh ngerak Ikie dani ukai ngerak ngasuh tauka laun dani tang minta pemakai taja pia Ikie nadai kala nganu cuwen laban maya Ikie tussah ati cuwen meh selalu ba tisi ya nyau baka ken emu isi ati Ikie sepenglama cuwen begulai enggau Ikie. Nyema Ikie tussah ati tau ka benung beraie cuwen sigi datai ngagai Ikie duduk nyandih ba sepiak Ikie kekadang baka ke bisi orang enggau Ikie bejaku ba rumah besai nya tang semina cuwen ke enggau ya bejaku.
Cuwen suba ukai nya mayau beli tang mayau datai tesat ba rumah Ikie benung Ikie ngambi merap cuwen dia Ikie teringat ke mula ya betemu enggau cuwen. Maya nya Ikie baru aja pulai keja malam nya nyau baka nama pengelebat ujan nyau bah ai dalam lungkang nyau tepancur ba rumah ya dia Ikie tekenyit ninga nyawa mayau kiau-kiau ba dalam lungkang enggau lengkas Ikie nyenguk ke dalam lungkang. Dia meh Ikie tepeda ke anak mayau nyau ke lemas laban ai nyau balat bah besai nyau besai seput pansut ari idung anak mayau nya nyau lelak tudah anak mayau nyak nyemerai nyau ka lemas tudah anak mayau nya enda berasai Ikie engkecit ngambi anak mayau nya alu merap ya abis basah baju enggau tanchut Ikie mula ari nya meh mayau nya diau enggau Ikie nyau diberi Ikie nama cuwen ga tudah anak mayau nya. Taja mayau tang cuwen amat mereti maya cuwen kemi tau ka birak cuwen sigi pansut belama berak ba tanah luar rumah Ikie baka ke udah diajar ulah cuwen kekadang maya Ikie sakit cuwen meh nyaga ya bisi sekali Ikie sakit balat nyau enda ulih angkat dia meh cuwen ningkap ngerimbai Ikie merati ke Ikie baka ke mensia cuwen nyaga Ikie nya meh ko orang tuai enti kitai manah enggau jelu sayau ngau jelu tupi sida ya pun amah enggau kitai taja jelu sida mayau uduk bisi meh empedu enggau ati.
Pengudah Ikie merap cuwen dia meh Ikie duduk ba bangku baru cuwen diawak ka Ikie duduk ba sepiak ya nyau baka ke nganta cuwen nuci diri empu nyau abis tubuh nyau tekena lengan Ikie bekau dilat cuwen ke nuci diri
‘Apuu…sapa ke bangat didanta ke nuan nya cuwen. Bendar ni nuan nuci diri empai meh beresi uji mandi ney mayuh sabun kena nuan ba dalam bilik mandi din umo tau meh kena nuan’ pia ko Ikie nundi tudah cuwen. Dia cuwen ngetu enda lama malik ngagai Ikie baka kenemu jaku kitai mensia sepenglama pengudah cuwen diau enggau Ikie.
Enda berasai nyau ngalih malam ari dia meh Ikie bejalai nuju ke dapur meda asi ke dipanduk nyau udah ga mansau lauk udah ga dipanduk nyau begerau munyi perut Ikie.
‘Lapar perut tok am cuwen makai tua’ pia ko Ikie alu ngumbai cuwen. Dia cuwen alu belanda nitih ke Ikie ari belakang.
Pengudah tembu makai Ikie niki katas ngagai bilik ya besai amai ga rumah Ikie dua tingkat tang amat sunyi baka ke nadai orang nguan mina munyi redup kaki Ikie bejalai nuju ngagai bilik ya kekadang dinga munyi kiau cuwen aja ga dinga ba bilik tingkat dua nya datai ba tingkat atas bisi ga empat bilik tang semina sigi bilik aja bisi orang nguan taja kediri ba rumah nya Ikie nadai kala takut laban udah teleba kediri teleba sunyi.
Maya malam Ikie duduk ngaga keja ba ruang tamu nyiap ke keja ke bedau tembu digaga ya ba opis tadi udah nya begadai Ikie bejalai ngagai dapur muka peti ais ka ngirup jus pengudah nya ya ngambi butul jus tak lempung asai butul jus nya.
‘Akai udah abis jus tok pia? Balat ga nuan cuwen ngabis ke jus tok siko hahahaha…mabuk nuan ngirup memayuh jus tok’ pia ke Ikie nunjuk ke cuwen butul jus ke kosong nya ba mua cuwen tang cuwen semina merati ke ulah Ikie.
‘ Kasih cuwen pecuma kena anu hahaa..’ pia ko Ikie benung murus pala cuwen ke nungga ya.
‘Pansut dulu ku cuwen meli jus tussah ga enti nadai jus tambah mega pemakai nuan nyau ka abis. Jaga rumah auk?’ pia ko Ikie madah ke cuwen nyau baka ke madah ke mensia alu nutup pintu nuju ngagai kerita alu deriba nuju ngagai supermarket ke enda jauh ari rumah ya.
Datai ba dia, pengudah Ikie nyangkai ke kerita dia ikie alu tama ke dalam supermarket ngambi bakul begadai bejalai nuju ngagai endur nyual pemakai mayau amat pama ga cuwen ukai ka makai ikan semina whiskas ja ka didempa cuwen laban ari mit cuwen diberi Ikie makai whiskas pengudah ngambi pemakai cuwen sempat ga Ikie meli lauk kena ya sebulan tok alu bejalai nuju endur orang nyimpan jus.
Datai dia Ikie tepeda jus tak gelik-gelik sigi aja tinggal benung Ikie ka nyengkau butul jus nya enda berasai tekenyit Ikie tepeda sigi agi jari nyapai butul nya nyau betegu jari seduai ya dia Ikie nguing ke tisi ya tepeda ke siko indu kuyu nya lepu-lepu pemadas ya mata bulat buk panjai paras bahu ngena baju burak panjai lengan tang sigi salah bajik amai bajik tang mata indu nya baka ke ka makai tudah Ikie ke benung megai butul jus nya.
‘Aku dulu meda tadi laun nuan datai’ ko indu nya
Nyau kuring mata indu nya meda tudah Ikie tang Ikie enggai ga ngelepas ke jari ya agi semampai megai butul jus nya ga Ikie biar berebut seduai ya.
‘Laun agi nuan ari aku, aku ke dulu tadi meda ya’ ko ikie nyaut.
‘ Nuan semina meda aku udah nyenkau butul tok tadi ney..’ ko indu nya majak narit-narit butul jus nya
‘Uji nuan meda sapa jari dulu agi megai butul tuk jari nuan ba atas jari aku nya tanda ya aku meh dulu megai butul tok’ pia ko Ikie enggai alah
‘Nama utai diperebut ke seduai nya?’ pia ke munyi nyawa ari belakang seduai ya
Dia Ikie enggau indu nya nguing ke belakang tepeda ke siko ibuk benung dedegi merati ke seduai ya.
‘Indai..indai ai jus nya ka aku. Nyamai ai nya indai’ pia ko anak mit ba sepiak ibuk nya.
‘Kasih ke aku meh igat enggau endu kasih ke anak aku legi seduai meli ai ke bukai kasih anak aku ka amat ngirup ai nya’ pia ke sada ibuk nya.
Begadai indu nya ngelepas ke jari ya dia meh Ikie alu nyua ke ai jus nya ngagai ibuk nya nangka pengaga meh anak ibuk nya bulih ai jus nya tang Ikie enggau indu nya semina beputih mata bela enda bulih ai jus nya amat ga kedai nya laku amai ga ai jus nya semina sebutul aja agi tinggal udah meh Ikie enggau indu nya semina meda aja nyau asa tudah seduai ya ai udah ga empu urang bukai.
‘Akai jai amai nasit ka meli jus nemu nya empu orang bukai’ ko Ikie bejaku kediri nguing ngagai endur orang engkah jus nya nyau ngiga ai jus ke bukai ga tudah Ikie.
‘Ketegal nuan meh nya jus nya nyau ambi orang bukai uji ai ke bukai pilih nuan’ ko indu nya nganu tudah Ikie. Nyau bebengap tudah Ikie gaga indu nya munyi nya.
‘Apuu..jai amai ga aku ketegal ai aku ga salah akai tussah ati ngenang’ nyau gilik pala Ikie ninga jaku nya
Dia meh indu nya bejalai ngerimbas Ikie ke benung bebengap dedegi ninga jaku indu nya ari jauh dia Ikie meda indu nya ngemilut ke Ikie alu nunjuk ke genggam jari baka ke ka mukut ngagai tudah Ikie tang Ikie semina tuchum aja meda ulah indu nya ari jauh. Orang indu enti pedis ati semina ngemilut aja ulih gaga sida ya ukai baka orang laki nyema pedis ati alu atai jari amat manah ga gamal indu nya taja ngemilut tang majak pepelu kuyu ya taja ringat agi meh mua ya bajik taja mata kuring meda Ikie agi meh mata ya bulat nya meh Ikie semina meda ulah indu nya semina tuchum aja. Udah bebayar Ikie alu mupuk nuju ngagai kerita ya enda ga bangat jauh endur parking datai dia maya Ikie ka muka pintu dia Ikie tepeda ke indu nya baru sama endur penyangkai kerita tak sepiak kerita Ikie endur kerita indu nya dia meh Ikie meda indunya ngena tancut jeans megai dua plastic ba jari muka pintu kerita engkah barang dalam kerita.
Udahnya indu nya muka pintu ba endur deriba alu malik tepeda ke Ikie sepiak kerita ya.
‘Nama pepeda? Bisi utang? Acuk mata enti ka amat meda orang’ ko indu nya nyau bebengap baru ga tudah Ikie
“apuu..salah ga aku bediri sepiak kerita aku pia? Parai ka acuk orang ba mata” pia runding Ikie amat ga indu nya tudah Ikie benung dedegi ba kerita ya enda mukai-mukai kena anu nadai penyalah kena anu ga engka indu nya agi ringat ketegal jus nya meh indu nya nganu tudah Ikie ke benung dedegi ba kerita ya tadi tambah mega sama endur parking. Indu enti udah belaya enggau laki ketegal utai dikedeka ya sigi lama ya ringat tang enda ga sampai pegila lusa nyameh ko orang kering-kering kerak asi tanjah ngau ai lemi meh ya. Ikie semina ngilik ke pala semina tuchum ingat ke ulah indu nya.
“Sayau gamal bajik tang mangah” pia runding Ikie nyetat kerita mupuk nuju ngagai rumah ya.
Datai ba rumah dia Ikie ngagau ke cuwen nya meh cuwen alu belanda nuju ngagai Ikie baka ke enda betah ga cuwen taja tinggal enda lama nyau baka ke dierit cuwen perut ya ba pengemuk cuwen sekumbang makai whiskas belama beri Ikie amat gemu cuwen enti orang meda cuwen mayuh orang ngumbai cuwen nya mayau dibeli tang keamat ya cuwen nya semina mayau tesat ditupi Ikie.
Pagi nya dia meh pengudah meri cuwen makai Ikie mupuk nuju opis ya
‘Baru ku ingat bisi meeting ga pagi tok’ ko Ikie kediri.
*********************************************************************************
‘Vella dani agi laun nuan interbiu legi’ ko munyi nyawa siko indu ari baruh udah nya nyau reregup munyi kaki orang belanda ba dalam bilik
‘Apu..laun aku dani pia ah..jam pun enda bemunyi tadi pia’ ko Vella mucau kediri meda jam ke udah disain enda ga bebunyi nya segaut tudah ya beradu begari laban laun dani.
‘Mumy..nama enda ngerak aku tumu agi tadi laun udah tok enda sempat ngirup pagi tok aa’ ko Vella madah ngagai mumy ya ke benung nyedia ke pemakai kena ngirup pagi
‘Nama malam tadi nuan madah udah sain ga jam deh? Jus nuan nya irup..apu alu mupuk indu tok tadi pia’ ko mumy ari jauh meda anak indu ya Vella udah mupuk ngena kerita baka ke orang belumba Vella mecut kerita ya ngagai endur ya interbiu.
‘Lubah amai orang tok deriba aa..aku ka jampat tok udah ga enda sempat ka ngirup pagi tadi’ ko Vella nyau gidan meda kerita ba mua ya sigi bakanya kitai enti laun sigi abis orang kena anu anang ke orang deriba kerita orang ke ngena basikal kekadang kena anu ga ukai tudah nemu kitai ka berumban nya meh kitai enti bisi pengawa pegila lusa pengawa ke penting mseti besedia dulu kitai awak ke enda segaut. Serantau jalai Vella mucau nyau muncung mulut ya mucau abis orang kena anu ukai orang aja traffic light pun kena anu ga enda bulih setengah jam datai meh Vella ba opis endur ya minta pengawa dia Vella tepeda ke siti kerita celum parking ba endur bisi tulis bechurak kuning.
‘Kerita laki malam tadi tok ney…’ dia Vella gegadai bejalai semak ngagai kerita nya alu sipak ya tayar kerita nya enda mukai-mukai alarm kerita nya alu bebunyi nya tekenyit vella alu ngaga diri ngadu ke kasut enggai ke temu orang nendang kerita datai meh guard meda kerita ke bebunyi nya alu nelipun orang ke empu kerita nya dalam kandang 15 minit alarm nya baru badu bebunyi. Vella enda memunyi mina rerising gaga ati laban udah nendang kerita laki ke enggau ya berebut ke butul jus malam tadi pama amat ga Vella taja betemu enda lama agi ga Vella ingat kerita laki ke enggau ya belaya.
‘Laun ga nuan datai Vella’ pia ko siko indu nyapa Vella ari belakang
‘Jam aku jai aa..enda bebunyi pagi tadi nya laun’ saut Vella
‘Jampat nuan register dulu udah nya duduk ditu nganti orang ngagau ingat ke surat nua beri ngagai kaunter nyin’ ko indu nya nunjuk ke Vella.
Dia Vella alu jejampat bejalai nuju meja kaunter udah ngisi boring dia Vella nyerah ke fail bechurak biru ngagai indu ke nyaga kaunter nya dia Vella alu bejalai duduk sepiak kaban ya. Mayuh meh utai kerandau seduai ya nyau gegetar jari nganti orang ke ngagau tama ke dalam bilik interbiu lama amat ga asai jam beputar udah siko pansut siko agi tama enda berasai nyau bebunyi perut Vella laban enda ngirup pagi tadi puas Vella ngetat ke perut awak ka enda munyi agi ga bebunyi sigi bakanya perut enti ka bebunyi nadai peduli ke orang bisi tau ka nadai tak penitih ke peneka ya bebunyi enda ya nemu kitai ke malu inga munyi perut diri empu.
‘Vella..sila masuk’ ko munyi nyawa ngagau ke nama Vella
Begadai Vella angkat nyau celap asai kaki enggau jari amat sigi bakanya enti maya interview anang ke jari ati nyau dedegup nyau ulih dinga munyi ati maya nya alu nadai agi munyi perut semina munyi ati ke dedegup enggau jari gegetar ukai ketegal takut tang nervous ko orang ribai.
Pengudah tembu interview dia Vella mulai kediri ke rumah asai ke lantang asai ati tang lama amai ga nganti orang madah bulih ke enda nyau nganti dua minggu baru orang madah sapa bulih ke enda uji madah kala nya nyamai ga kitai ninga bulih ke enda tang sigi baka nya ga asai kitai ngiga keja ukai siko ke interview orang ni nemu kemari ke saritu ke pegila ka nya meh orang selalu madah nganti dua minggu laban maya nya orang ke ba sigi-sigi endur minta keja sigi ngiga orang ken emu gawa enggau orang keamat-amat ka gawa.
Dalam kandang sminggu lebih dia Vella gaga ati laban orang ngasuh ya nurun keja minggu baru Vella bulih ba endur opis ya interview nya dia Vella madah ngagai apai indai ya udah bulih keja ngangka meh pengaga apai indai Vella sapa apai indai enda gaga meda anak sida ya bulih pengawa ke menyana bulih keja ke badas ulih ngiga belanja kediri empu ulih ga nulong apai indai.
Maya ari satu tumu pagi Vella udah dani beradu enggai ke laun laban saritu ari mula ya gawa enggau gaga ati Vella nurun meda mumy Vella udah nyedia ke udai dempa pagi apai Vella udah lama dani nurun nangkal tambah ga ari manah endur nangkal tambah agi rega getah amat manah ga maya tok datai RM7 sekilo tang indai Vella enda nitih ke apai ya laban nadai orang ngaga ke Vella tai empa pagi. Pengudah ngirup pagi Vella merap indai ya sebedau mupuk nurun keja maya Vella nyurut ke kerita sempat ga Vella ngepai indai ya nyengjuk ba ruang tamu merati ke anak dara ya nurun keja.
Dalam kandang 30 minit datai meh Vella ba endur gawa dia ya meda opis nya nangka pemesai ukai endur sida ya interview sarinya laban maya sida interview ba hotel ukai ba opis benung Vella merati ke endur opis nya dia Vella tepeda ke kerita celum parking ba endur bisi tulis kuning ba baruh dia Vella asai ke ngelala kerita nya enggau begadai Vella bejalai semak nuju kerita celum nya.
‘Nama tok kerita laki nya baru deh? Sarinya bisi ga endur interview diatu ba ditu anang-anang laki tok sama enggau aku interview tang mayanya nadai ga aku meda ya enggau kami duduk ba luar maya interview’ pia ko Vella bejaku kediri
Maya Vella tama ke opis nya dia Vella bebengap meda orang dia benung kisuk ngaga keja semu benung ngaga keja diri empu nya degi-degi tudah Vella merati ke orang dia tang nadai ga orang peduli ke Vella semua benung ngaga keja diri empu. Enda lama udah nya datai siko indu ngena baju burak ngelawa ngagai Vella benung degi-degi ba mua pintu alu betabi enggau Vella mai ya bejalai ngulu ke Vella bekelala enggau orang keja dia pama enti bisi orang baru ba endur keja alu capuh orang ke lama dia enti laki lubah orang ka capuh tang enti indu sigi mayuh macam ulah mensia ni ke ngaga diri ka nguntik ni ke ngaga diri ka betabi .
Dia indu nya madah endur dia ukai endur Vella keja tang endur siti da agi nyau niki ngagai tingkat 3 Vella bai indu nya mayuh amai ga orang meda Vella nyau memalu tekuyung Vella peda orang tang ulih ga ditat ke Vella.
‘Ditu endur nuan keja Vella dalam opis tok bos kitai semua aaa…agi bujang tau sigat agi nya’ pia ko indu nya
Vella enda bebunyi semina tuchum merati ke ulah indu nya dia meh indu nya nanya ke bos udah datai ke bedau pama udah bos sigi laun datai ukai sama enggau jam kitai sida bos gawa nya meh selalu disema ke orang baka bos bos laban laun nurn keja.
‘Nyin bos datai legi aku mai nuan betemu enggau bos kitai. Enti nuan ka nemu bos kitai nya aja ke bangsa iban kelain nya bangsa bukai nya meh mayuh ba department tok iban laban bos kitai nulong kitai ngangkat ke bangsa diri empu tang bos tok lain mimit selalu ja tuchum enti ya nganu enda nuan nemu enti ya sinu enda nuan nemu semina tuchum aja ba mua ya tang ngasuh ku geram meda lesung pipi ya hehe..kiut amai bos kitai untung nuan ari-ari ulih betemu enggau bos jilis amai aku..’ko indu nya panjai amai ga jaku indu nya madah ke pekara bos baru Vella.
Dia Vella nitih ari belakang tekenyit Vella meda laki ke nyadi bos ya nya laki ke enggau ya belaya ba supermarket suba nyau malu Vella meda laki nya tang laki nya semina tuchum meda Vella bediri ba mua ya nemu meh Ikie Vella malu betemu enggau ya laban Vella kala nganu ya tang amat badas ati Ikie nadai nyimpan dendam nadai ringat dia Ikie berdiri bejalai begadai ngulur ke jari ka betabi enggau Vella.
‘Good morning Vella, nice to meet you and welcome to this office I’m Ikie’ pama ga Ikie alu jaku ribai enggau Vella
“Ngisin kediri bejaku ribai nyepi diri empu bos tengkuk enggau nuan tok legi aku nemu meh jaku ribai ukai nuan aja” pia runding Vella ngulur ke jari ka betabi
‘Good morning I’m Vella nice to meet you buus’ pia saut Vella baka ke enggai alah nyau muncung mulut nyebut ‘buus’.
‘Akai agi ringat ngagai aku nuan pia Vella udah meh nya ketegal sebutul jus tua belaya legi enda alah nyadi ke lagu ila hahaha..’pia tundi Ikie
“Nasit nuan bos enti enda udah tingko aku kening nuan Ikie” ko runding Vella semina tuchum aja.
‘Sarinya aku bisi ga meda nuan datai interview tang aku enda nemu nama nuan tambah legi enti ku merening nuan enda alah diacuk orang mata kitai hahaha.. nasit ga nuan bulih keja ditu oh ya maya nuan datai interview maya nya bisi nuan meda orang nyipak kerita aku?’ pia tanya Ikie
Tekenyit meh Vella ninga Ikie mada pia lama Vella enda nyaut
“Apuu..aku ke nyipak tayar kerita ya sarinya mati aku enti ditemu ya” pia ko runding Vella
‘Nadai aku meda engka aku enda tepeda kini’ ko saut Vella
‘OO…enti pia enda ngawa ga laban tayar kerita ku singit nasit ga bisi cctv ba dia legi bisi sekuriti madah legi’ ko saut Ikie alu duduk ba bangku ya
“Akai enda alah aja mula keja udah dibuai ketegal nyipak kerita bos nyamai aku ngaku aja ari dibuai keja” nyau tusut runding Vella ka ya madah takut anu bos nyamai ya madah ari ditemu orang malu agi nyema ditemu orang nyipak kerita bos
‘Aku meh nyipak tayar kerita nua sarinya…minta ampun auk?’ ko Vella
Ikie alu angkat mua tuchum nyadi jai merening ngagai Vella
‘Sheila..ulih nulong ngaga ke aku kupi?’ ko Ikie madah ngagai Sheila indu ke enggau Vella tama tadi nadai bejaku terus pansut baka ke robot Sheila semina nitih ke jaku Ikie aja ya enti bos udah meri perintah sigi tith ga enti ngelaban enda lama kitai dibuai keja
‘Aku ka nemu nama hal nuan nyipak kerita aku? Ukai kerita aku nganu nuan ukai kerita aku nyipak nuan nama ga nuan pedis ati ngagai kerita aku deh?’ pia tanya Ikie
Vella mina enda memunyi laban nemu salah diri semina nunduk ke mua ya meda lantai ba baruh baka ke nganti orang ke meri ukum tudah Vella dia Ikie begadai bejalai nuju ngagai Vella
‘Anang irau nuan Vella nadai aku nganu nuan semina aku ka nuan ngaku penyalah diri empu nyema nuan berani terus terang nya tanda nuan sanggup nerima hukuman ketegal penyalah nuan ila enti nuan pedis ati anang nyipak tayar kerita auk sayau kaki nuan nyau pedis uji nuan anang kelalu nitih ati auk enda manah’ pia ko Ikie.
Bebengap Vella ninga utai ke pansut ari mulut Ikie enda ya nyangka laki ke bediri ba mua ya nya ukai aja bos tang amat nelap taja Vella nyipak kerita ya enda meh Ikie ringat. Jarang orang indu tetemu ke laki bangat nelap baka Ikie taja Vella pedis ati ringat ngagai Ikie tang Ikie nadai kala nganu ya semina tuchum aja laban bagi Ikie nadai guna ringat nadai guna pedis ati laban ati mensia nemu berubah.
Sepenglama gawa baruh Ikie dia meh Vella nemu memimit tentang pengidup Ikie enda ya nyangka bos ya nya semina siko aja ba menua injau taja bos ya selalu tuchum enda Vella nyangka taja bos ya selalu ketawa gaga tang ati dalam din cukup merinsa baru Vella nemu sapa Ikie kea mat nya meh Vella nadai kala meda Ikie bejalai pansut enggau bala sama keja dia enti pulai keja selalu aja Ikie terus pulai tang selalu ga sduai betemu ba supermarket ke endur seduai belaya.
Nyema betemu pan Vella semina meda Ikie ari jauh meda ulah Ikie ari jauh ka ya semak tang malu laban Ikie nya bos ya tang nyema Ikie bejalai ngagai supermarket nya bisi ga Ikie meda Vella bejalai meli barang ke Ikie ngelawa Vella Ikie agi nangi nangi legi ati ya tebuka baru Ikie agi takut legi semina ngasa key a nya meh Ikie selalu baka ke enda ngelala aja enggau Vella nyema seduai berimbas enda meh Ikie nanya semina ngetat ke ati dalam din tussah enti kitai dah sekali asa selalu kitai ngenang pekara yang sama bakanya meh Ikie laban ya enggai ati ya pedis baru.
Pulai ke rumah baka selama pengudah ngaga ai kupi Ikie duduk ba bangku ruang tamu ya tang nyelai amai ulah cuwen sarinya tak baka ke selalu merati ke luar jendila ka madah bisi orang dia nadai ga dipeda kekadang cuwen baka ke ka nganu meda keluar rumah kekadang bulu cuwen terangkat maya bisi angin bepuput dalam bilik nyema Ikie mupuk keja cuwen sigi ba luar aja baka ke enggai tama rumah semina Ikie datai baru cuwen tama nya pun enti Ikie udah muka pintu enti malam cuwen baka ke enggai tinduk selalu aja baka ke ka ngelaya mayau bukai kekadang mata cuwen kulu kili baka ke meda utai.
Dia Ikie tepeda ke bup bechurak biru betulis Dairi Pengerindu ba kulit luar nya bisi bekau keramak cuwen tiap kali Ikie ngambi bup nya cuwen sigi engkechit nerkam bup nya ari jari Ikie kekadang awak ke Ikie aja cuwen duduk ninggang bup nya tang nyelai amai utai ke nyadi maya nya bekau keramak cuwen bisi bekau darah pansut bendar Ikie meresa cuwen engka cuwen bisi telih nadai ga dipeda nyau bendar Ikie berunding kati tau bisi bekau darah ba bup nya enda ga Ikie peduli ke bup nya majak ngaga pengawa ya empu cuwen enggai ga angkat ari bup nya.
Enda berasai lemai ngalih malam nyau enda berasai ga Ikie pemuas ngaga keja meda jam udah pukul 1 pagi nasit ga pegila nadai keja laban ari 6 enggau ari 7 sigi nadai keja ga sida ya dia Ikie bejalai nuju ke dapur ka ngaga ai kupi baru dia ya sempat ngagau ke cuwen nadai ga cuwen datai bendar Ikie ngiga cuwen nadai ga dipeda pemuas ya pansut Ikie ke luar nyau besai nyawa Ikie ngaga ke cuwen nadai ga cuwen datai.
‘kini ke penungga mayau tok tadi nemu amai ga belelang engka ba atas kini’ ko Ikie
Dia Ikie niki katas ngiga cuwen benung Ikie bejalai niki tangga dia Ikie tedinga ke munyi orang ngeramak pintu bilik panking ya tekenyit Ikie alu enggau pengelekas muka pintu tang nadai ga orang tau ka cuwen dipeda ya nyau enda nyamai asai ati Ikie abis rumah endur ya ngiga cuwen pemuas ya baru ya tetemu ke cuwen benung duduk ba atas mija endur ya ngaga pengawa dia ya tepeda ke mulut cuwen baka ke darah lekat ba ngeli taring cuwen.
‘Bulih cit nuan tadi pia cuwen? Aruh nadai tadi am tinduk tua ngantuk amai dah aku’ ko Ikie alu merap cuwen mai cuwen tinduk.
Demalam nya Ikie bemimpi betemu enggau siko laki amat tinggi laki nya besai tang nyelai amai pala yapala uduk ka Ikie lari enda ga ulih asai ke udah ditancang kaki jari ya bendar Ikie ngelingkang enda ga ulih lepas ka nyerauh enda ga ulih laki nya makin semak enggau Ikie alu nyekak rekung Ikie udahnya ayas-ayas Ikie meda laki siko datai ngeju ke laki bepala uduk nya dia laki bepala uduk ya alu ke ngelaban laki ke ngeju ya tadi Ikie semina meda aja seduai ya bejamah enggau pangan diri dia laki bepala uduk tadi nerekam ngetup kaki laki ke ngeju ya tadi amat sikar ga laki ya alu nyipak pala laki ke bepala uduk nya nyau telentang alu ngelari kediri tang laki ke bepala uduk nya sempat nyeling meda Ikie
Pengudah ulih ngelepas kediri dia Ikie alu tedani tepeda ke cuwen benung nilat kaki ya ke telih nya nyau segaut Ikie ngiga ubat ngubat kaki cuwen ke telih udahnya kaki cuwen dibalut Ikie enggai ke balat agi pedis nyau besai kiau cuwen ngetat ke pemedis sinu Ikie meda cuwen kekiau narit kaki ya
‘Lubah meh aku ngubat kaki nuan dulu balat agi nuan bedarah legi balat agi nuan pedis’ enggau ai mata nerutu ba kuyu Ikie ngubat kaki cuwen dia meh cuwen mina ngetat ke aja Ikie ngubat ya sayau amat Ikie enggau cuwen enda berasai ai mata labuh maya ya ngubat cuwen baka kenemu ga cuwen Ikie ngubat ya
Pagi nya agi ga kaki cuwen pedis dia meh Ikie ba tisi cuwen nyau sinu ga tudah Ikie meda cuwen nyau kejingka bejalai nya meh Ikie ngasuh ya duduk aja ba bangku semua pemakai enggau ai cuwen disedia ka Ikie nyema Ikie nurun keja dia meh cuwen bai ya ngagai opis nya enda memunyi bala orang sama keja meda ulah Ikie mai cuwen ngagai opis ya tang cuwen semina gali aja pemulai ari keja Ikie nganjung cuwen ngagai doctor haiwan pengudah dicek orang diberi org ubat dia orang nanya Ikie
‘Ikie..nama cuwen bisi belaya enggau uduk ?’ pia tanya indu misi ngagai Ikie. Bendar Ikie berunding kemaya cuwen bisi belaya enggau uduk semina temu Ikie cuwen sigi semampai ba rumah belama nyau tusut runding ninga indu misi madah cuwen kala belaya enggau uduk enti cuwen belaya enggau uduk sigi balat agi ari nya bekau telih cuwen tang nya semina kaki ya aja ketelih
‘Setau aku nadai cuwen belaya enggau uduk laban nadai orang nupi uduk ba endur ku diau tambah agi aku nadai nupi uduk’ ko Ikie. Pegudah ngambi ubat cuwen dia meh Ikie mulai kediri ke rumah.
‘Bos, legi bisi meeting pukul 9 legi enggau client’ ko Vella madah ngagai Ikie benung ngayam cuwen
‘Berapa kali aku madah anang ngagau ke aku bos akai….kangau aja aku Ikie..Vella kitu dulu nuan ku ka nuan bekelala enggau cuwen’ ko Ikie ngagau ke Vella
Dia Vella alu mansang meda Ikie benung merap cuwen. Aruh ya Ikie sayau ke cuwen amat manah amai bulu mayau nyak udah ga besai gemuk agi tambah keamat dipurus bapala dia Vella alu merap cuwen enda berasai Vella teberap ke Ikie sekali
‘Nama pengawa nuan?’ pia ko Ikie
Vella tekenyit laban teberap ke Ikie nemu amai ga cuwen belakun nyema Vella ngulur ke jari ya ka ngambi cuwen dia cuwen baka ke marap Ikie ngasak amat udah ga tubuh cuwen besai amai enti orang bukai meda baka ke beberap meh Ikie enggau Vella nyau makin damping Vella enggau tubuh Ikie majak ga ati ya tetengut dia Ikie meda Vella memalu ka ngmbi cuwen tubuh seduai udah ga semak amai begadai Ikie medagi pinggang Vella siti jari Vella udah ba bahu Ikie sepiak megai tubuh cuwen nyau tegama ke dada Ikie jari Vella enda berasai amat betemu mata nemu amai petara ngaga meri pengerindu ngagai anak mensia ari sebutul jus sduai betemu ari mayau benama cuwen seduai nyau beberap angka udah nasit seduai ya digaga petara begulai enggau pangan diri.
“ Vella, bisi kini-kini nuan lemai tok? Aram bejalai tua legi ka nuan? Tamba mega aku ka meli utai empa cuwen” ko Ikie nanya Vella
“Tau ga..legi nuan ngambi aku ga auk dalam kandang pukul 8 bakanya meh nganti aku dh tembu beradu” ko saut Vella
Enda berasai siang ngalih malam dia meh jarum jam nunjuk ke numbur 8 ari dalam bilik Vella merati ke luar tang enda lama udah nya dia Vella tepeda ka kerita celum sangkai bap agar rumah ya begadai siko laki pansut ari kerita alu nuju ngagai pintu rumah Vella.
TUK! TUK! TUK! Benung Ikie ka ngetuk pintu kali ke 4 dia mua pintu tekuak begadai cecegit siko indu tuai ba mua pintu tuchum alu ngasuh Ikie tama taja baru betemu tang asai ke lama udah ngelala tudah Vella nyau kekasak beradu pama amai ga indu dara enti beradu enti disebut ka bejalai ngau laki tau ka kaban tauka pangan sigi lama gab ala indu dara nganta nyau bepilih ke gari deka dikena semua mesti manah magang nadai mantah nyau ngalah ke bala sida artis enti udah ka amat nganta nya meh ati orang bujang semampai tekait belama meda bala indu dara.
“Sapa nama nuan igat? lama seduai udah bepangan igat? ari ni penatai nuan igat? ukai nama aku nanya igat aku tok apai Vella ka meh nemu sapa laki ke enggau ya begulai enggau ya enggai ke salah kaul pegila lusa” ko apai Vella
“ Ikie nama ku ibuk ayak aku semina bekaban enggau Vella laban kami duai sama endur keja tambah mega baru aja bekelala enggau pangan diri. Jauh menua aku ayak ibuk tambah mega aku semina kediri aja ba dunya injau ditu apai indai madi udah ga ngejang ngagai batang mandai semina aku aja ditinggal ke sida ya nyaga menua tok.” Saut Ikie
Enda berasai nyau sinu ati apai indai Vella ninga pemerinsa nuntung laki ba mua seduai ya taja laki nya sigi orang bepangkat besai tang jaku ya amat baruh laban ngasai ke diri semina siko aja ba menua injau bendar sida tiga becerita sepenglama nganti Vella ke beradu nyau abis utai tanya apai indai Vella sigi bakanya ga apai indai nyema laki datai ngemai anak indu sida ya pansut bejalai ukai nama labannya tanda sida apai indai sayau ke anak sida ya takut pegila lusa nyau nasal nyau munyi ke jaku orang tuai nasal ila nadai meh guna utai udah ga nyadi nyamai bejaga-jaga dulu.
“Pama daddy enggau mummy tok nyau baka pulis nanya orang kasih Ikie tanya kita bakanya udah ga Ikie baru aja kitu” ko Vella dedegi merati ke ulah apai enggau indai ya
Ikie mina tuchum aja meda ulah Vella bedau sempat Ikie bejaku dia Vella alu narit jari Ikie mai mupuk pengudah madah kediri deka mupuk Ikie alu nitih ke Vella ari belakang. Pengudah nyangkai ke kerita dia seduai mupuk bejalai ngelawak kedai taja malam tang nyau kenyau ja api ba kedai nyau baka ke siang pama disebut ke Parkson tau ka Bouleverd sigi empai tinduk bala mensia ni ke bejalai merindang ati enggau sulu enggau kaban bisi mega ke bebeli ke utai bisi ga mega duduk ba kedai ngirup angka negtu enda lama pengudah bejalai ngeliling pasar.
Dia seduai bejalai betundi enggau pangan diri nyau enda berasai memunyi perut tudah Ikie madah kediri lapar minta diisi
“Vella am makai dulu tua auk? legi tua bejalai baru lapar amai perut tok” ko Ikie madah ngagai Vella. Dia Vella semina tuchum meda ulah Ikie memurus perut
Benung seduai ngiga endur kedai makai dia Ikie tekenyit meda bala kaban ya benung capuh duduk ba kedai makai.
“Vella minta tulong nuan amat-amat aku..ulih nuan nyadi sulu aku enda lama auk? legi mayuh tanya bala kaban aku enti aku semina madah ke tua tok semina bekaban enti ku madah nuan pangan aku nadai sida ya mayuh tanya agi” ko Ikie. Vella enda nyaut nyau tekenyit ninga jaku Ikie tadi. Bedau sempat Vella ka nyaut seduai ya udah semak enggau meja endur bala kaban Ikie.
“Akai nuan tadi pia Ikie..apo sapa indu dara sepiak nuan nya? “ ko kaban Ikie nanya. Pama enti kaban nanya bakanya sigi tussah ka nyaut.
“Pangan aku tok Vella…”ko Ikie alu narit bangku ngasuh Vella duduk dia Ikie duduk sepiak Vella
Nyau panjai cerita malam nya nasit Vella bisi ba tisi nyau makin gaga ga ati tudah Ikie mayuh bala kaban ya semua muji Vella nyau memalu tekuyung tudah Vella
“Minta ampunku ngagai Vella angka Vella pedis ati kini tauka aku bisi salah jaku ke tadi kaban aku sigi bakanya selalu ka amat betundi” ko Ikie sepengudah seduai angkat bejalai baru.
“Enda ngawa capuh mai kaban nuan tambah mega sida ya nemu amai nusi cerita nyau pedis kuyu ketawa” ko Vella
“Nya baru mimit nya Vella enti nuan begulai enggau kami selalu kada enda luput nuan ketawa” ko Ikie nundi Vella
“Aram Vella pulai tua ku nganjung nuan dulu” pia ko Ikie madah ngagai Vella
“ Agi tumu tok aa..baru ja pukul 9 legi meh nuan nganjung ku pulai ku agi ka bejalai” saut Vella
“Enda manah nuan laun pulai kelebih agi nuan indu aku laki kati ke runding apai indai nuan legi tambah mega kati runding orang meda nuan laun pulai legi kasih apai indai nuan legi” ko Ikie.
Vella enda nyaut laban jaku Ikie nya bisi pengamat ya dia meh Vella nitih ke Ikie ari belakang alu mupuk mulai ke diri meh seduai ya. Datai ba rumah Vella Ikie alu nitih ke Vella ari belakang enda manah ga kitai laki enti nganjung indu semina ba pagar aja legi kumbai apai indai orang indu kitai semina deka ngulih ke anak sida ya taja takut nyau gegetar Ikie cub angering ke ati diri nganjung Vella benung seduai tama kebilik dia indai Vella tepeda ke Ikie enggau Vella
“Tama igat..Vella bai tama sulu nuan nya “ ko indai Vella
Vella enda nyaut semina madah ke Ikie ngalu tama lalu duduk ba bangku nunga apai enggau indai Vella taja dalam ati nyau kesal tang ulih meh ditat ukai ketegal ngaga penyalah tang enda nemu nama jaku apai indai orang indu nama utai ke ditanya apai enggau indai orang nya utai ke dirunding Ikie.
“Tumu seduai pulai igat? sepenglamatu enti Vella enggau kaban ya pansut pukul 11 nya selalu pulai” ko apai Vella
“Ukai nama ayak, enda manah Vella pulai laun tambah mega aku laki Vella indu legi lain ga peda urang taja urang enda madah ke kitai tang ukai kitai nemu ati urang ayak ibuk enda alah kitai dipejaku ke sida ya ba sebelah orang” ko saut Ikie
Apai enggau indai Vella semina tuchum ninga saut Ikie tadi dia baru meh aai enggau indai Vella nemu pemadas ati orang laki ba mua seduai ya.
“Amat ke nuan Igat pandak mulut engkerasak panjai mulut kitai” saut indai Vella
Pengudah nganjung Vella pengudah betabi enggau apai indai Vella dia meh Ikie alu mulai kediri kerumah nyau lain ga asai deriba kerita kediri nyau sunyi asai Ikie laban nadai urang sepiak ya enggau ya berandau enggau ya betundi.
Datai ba rumah Ikie alu duduk ba bangku dia meh cuwen begadai bejalai ngelawak Ikie nyau kejingka tudah cuwen.
“Cuwen kitu ku ngubat kaki nuan dulu nya kitai anang mancal” ko Ikie benung ngubat kaki cuwen.
Pengudah sebulan Ikie enggau Vella begulai taja pan seduai ya madah kediri ngagai urang semina kaban tang ulah seduai ya enti bejalai nyau baka urang ke bepangan laban deka Vella madah ke isi ati diri tang malu ga legi enda alah dikumbai urang indu nguntik laki tang Ikie nemu saggam ati Vella dia meh Ikie berunding kati ka mansut ke isi ati ya madah ke penyayau ya ngagai Vella pemuas berunding dia meh Ikie ngaga siti rancangan awak ke Vella nemu bakani penyayau enggau pengerindu Ikie ngagai Vella
Kena ka ari 6 dia Ikie mai Vella bejalai baka selama tang diatu lain agi nyau makin mentas enggau pangan diri.
“Vella aku bisi utai ke dipadah ngagai nuan malam tuk legi aku ngambi nuan auk?” ko Ikie tang Vella enda memunyi laban ya enda nemu saggam ati Ikie
Malam nya Ikie mai Vella makai ba restaurant tak bangat tebilang ba endur sida ya nyau baka ke YB endur nya orang malam nya mimit amai ga laban enti makai ba endur nya mesti dibooking dulu ukai nya baka kedai sebelahnya duduk aja ulih meh makai tang nya semua rancangan Ikie deka mansut ke juluk ati diri deka madah ke pengeran ati diri ngagai Vella pengudah tembu makai, Ikie angkat bejalai alu bediri ba mua Vella. Dia Vella tekenyit meda ulah Ikie nyelai amai malam nya semina merati ke ulah Ikie aja tudah Vella
“Vella uji nuan nutup mata nuan auk?” ko Ikie. Vella enda memunyi semina nitih ke peminta Ikie nyai celap asai pegu Vella tekena utai ke dipasuk ke Ikie ba rekung ya dia Vella encelak tepeda ke marik emas ba rekung ya
“Vella selama tu engka nuan enda nemu tau ka nuan udah nemu aku sayau amat ke nuan baka ke malam tok aku deka ngambi nuan nyadi ke pangan aku” ko Ikie nyerugang ba mua Vella.
Asai ke bisu tudah Vella meda ulah Ikie deka bejaku tang enda ulih tepansut ke jaku nyau dedegup munyi jantung dalam din asai ke celap angat tudah Vella enda Vella kala digaga laki bakanya selamatu asai ke bemimpi meda orang ke disayau dikerindu nyerugang nyua ke bungai ba mua ya pemuas berunding ngumpul pengering ati dia meh Vella alu nyaut
“Ikie..selamatu aku takut madah ke nuan aku pan sayau ke nuan mega lama amat aku nganti aku berunding bakani aku ka mansut ke saggam ati diri tang nuan dulu madah gaga amai ati aku..nama tua semina bepangan aja pia? Kumbai ku nuan ka ngambi ku nyadi bini tadi” ko Vella
“sempat ga Vella betundi nyadi bini nya enti aku betemu enggau apai indai Vella dulu auk laban aku deka berandau enggau sida ya” ko Ikie
Subscribe to:
Posts (Atom)